Túrmede otyrǵan qoǵam belsendisi Maks Boqaevtyń jaǵdaıyna alańdap, feısbýk áleýmettik jelisinde jazbalar jarıalap otyrǵan onyń rýhtas dosy – Talǵat Aıan.

♦Bastyqtyń aldynda bas kıimin sheshpegen Maks Boqaevqa aýyr jaza qoldanylmaq

Osyǵan deıin túrme bastyǵynyń aldynda bas kıimin sheshpegendigi úshin Makstiń basyna bult úıirileıin dep tur degen syńaıda qaýip-qater baryn sezdirgen Talǵat Aıannyń jazbasynan keıin Qamshy Qazaqstan Respýblıkasynyń İshki ister mınıstri Qalmuhanbet Qasymovtyń, Bas prokýror Qaırat Qojamjarovtyń atyna hat joldaǵan bolatyn.

♦"Maks Boqaevty jaıyna qaldyryńyzdar!"

Petropavl qalasyndaǵy ES-164/3 kolonıa ákimshiligi 5 jylǵa bas bostandyǵynan aıyrylǵan Maks Boqaevqa tekserýshilerdiń aldynda bas kıimin sheshpegeni úshin jazalanyp, ekinshi ret sógis alǵany týraly aqparat alǵanymyzdy eskerte otyryp, «Maks Boqaevqa ne sebepti sógis jarıalandy? Tekserýshilerdiń aldynda bas kıim sheshý kerek  degen talap  qandaı zańda kórsetilgen?» degen saýaldardarǵa jaýap berýdi suraǵan edik. Bir aı ótken soń Soltústik Qazaqstan oblysynyń prokýratýrasynan «ES-164Iý/ (ortasha qaýipsizdik, Petropavl q.) mekemesi bastyǵynyń 2018 jylǵy tamyzdyń 9-daǵy jáne 11-degi qaýlylarmen sottalǵan Bokaev Maks Kebenulyna eskertý jáne sógis túrinde tártiptik jaza qoldanylǵan. Jaza qoldanýǵa negiz bolǵan jaǵdaı, qylmystyq-atqarý júıeleri mekemelerinde otyoǵan tulǵalardyń tártibin qadaǵalaýdy jáne baqylaýdy, tintý jáne qaraý óndirisin júzege asyrý boıynsha qyzmetin uıymdastyrý týraly Erejeniń 53 t.sáıkes, sottalǵanmen mekeme ákimshiliginiń zańdy talaptaryn oryndamaý túrinde tegi boıynsha tekserý tártibin búzǵan (QR İİM 2017 jylǵy aqpannyń 20-daǵy №36 qbpú buıryǵymen bekitilgen). Oblys prokýratýrasymen tártiptik óndirý salý týraly materıaldardy zerdeleý kezinde buzýshylyqtar oryn alǵan joq» degen jaýap keldi.

♦Maks Boqaevtyń Aqtóbege etappen jóneltilgeni habarlandy

«Ol bilimdi, ójet, ádil, ultshyl azamat. Maks túrmede aǵylshynnyń 18 ǵasyrdaǵy tilimen jazylǵan kitaptaryn oqyp qana qoımaı, kún saıyn birneshe ret 25 edennen "otjımanıe", 25-ret "brýsá" jasaıtyn. Jasy jıyrmadaǵy jas balalar kóbine erinse de, Makske erip baryn salatyn, sonda da jasy 43-tegi Makske jete almaı jatatyn. Sonda Maks olarǵa: «eı, baýyrym, qazaqsyń ǵoı, mynaýyń uıat, qazirden ózińdi qaramasań, erteń kesh bolady, oqy, talpyn, densaýlyǵyńdy saqta, endi qaıtyp qate jasama, bolashaǵyń alda»,- dep aqyl aıtyp jatatyn. Osyndaı Makstiń eshqandaı negizsiz túrmede otyrǵanyna 2 jarym jyl bolypty. Iaǵnı 912 kún men tún ótti...» dep dosyn "joqtaǵan" Talǵat Aıan feısbýk álemine Boqaevtyń baryn, onyń tiri ekenin, iri ekenin taǵy bir ret eske saldy.