Halyq bólek, bul kúnde bılik bólek,
Jaǵý úshin bılikke qýlyq kerek.
Shamam kelse basymdy ımes edim
«Shalqaıǵanǵa shalqaıǵyn, ılikpe» dep.

Amal qansha, men ony kúnde kórem,
Úlde kórem ústinen, búlde kórem.
(Bul halyqqa eskertkish qoıý kerek,
Bárine de shydaǵan, úndemegen).

Onyń bólek asy da, astaýy da
Kózin súzip toqaldyń jastaýyna.
Toı jasasa, qudaı-aý, shash etekten
Qulaıtyndar shalynyp shashbaýyna!

Shamasy da joq eldiń, sharasy da
Ne aıtamyn balamnyń balasyna?
Astaýy da, asy da bólek edi
Endi bólek bolady molasy da!

Eń aldymen el-jurtyn, halqyn oılar
Týady áli, týady UL altyn aıdar!
Esimderi erlerdiń saqtalatyn
El júregi deıtuǵyn PANTEON bar!

Sol PANTEON eshqashan shóp baspaıtyn
Al qalǵany bos tirlik boqqa aspaıtyn!

Ábýbákir Smaıylov