2018 jyly 318 myń qazaqstandyq elektrondy eńbek bırjasy arqyly turaqty jumysqa turdy.

Bıyl Enbek.kz. portalynda 346 myń rezúme taratyldy. Sondaı-aq, 318 myń azamat jumyspen qamtyldy. Osylaısha, e-bırjanyń kómegimen jumysqa turý 2017-shi jylmen salystyrǵanda 35 paıyzǵa artty.

Vedomstvo málimetinshe, bul TMD aýmaǵyndaǵy alǵashqy elektrondy eńbek bırjasy. Onyń qurylýynan bastap úlken málimetter bazasy qalyptasty. Al prosestiń ózi bolsa elektrondyq formatqa kóshti. 
Bul bıznestegi ákimshilik shyǵyndardy tómendetýge, budan bólek azamattardyń  laıyqty eńbek tabýlary úshin geografıalyq kedergilerdi joıýǵa yqpal etti.

Búgingi tańda Android jáne iOS negizindegi mobıldi qosymshalar ázirlenip, iske qosyldy. M-Gov-tiń jeke kabınetinen habarlandyrý alý úshin Enbek.kz-di M-Gov-pen biriktirý boıynsha jumystar júrgizildi.

Kompozıtti formatqa kóshýdiń arqasynda zeınetkerlik jasqa shyǵýǵa baılanysty alatyn úsh qyzmetti qazir bir ǵana ótinish arqyly alýǵa múmkindik týdy. Búginde atalǵan qyzmet 6 137 adamǵa kórsetilgen. Bul 2018 jyldyń 2 qarashasyndaǵy kórsetkish. Buǵan qosa, elektrondyq eńbek bırjasynyń Telegram-bot (@EgovkzBot) kanalyna bos jumys oryndary jarıalanyp, jumys izdeýshilerge jaılylyq týǵyzýda.

Áleýmettik jáne eńbek salasyn sıfrlandyrýdyń negizgi maqsaty – elektrondy eńbek bırjasyn damytý. «Eńbek naryǵy» aqparattyq júıesin, Enbek.kz portalyn, jeke jumysqa ornalastyrý agenttikteri men ınternet-saıttaryn biriktirý de negizgi mindetterdiń biri sanalady. Sonymen qatar, atalǵan salany sıfrlandyrý áleýmettik-eńbek salasynyń júıelerin ázirleýdi jáne engizýdi, qyzmetkerler profılin júrgizý jáne eńbek sharttaryn tirkeý júıesin qurýdy jáne engizýdi qamtıdy. Qazirgi tańda «áleýmettik tizilimniń» aqparattyq júıesiniń prototıpi ázirlendi, paıdalanýǵa 2018 jyldyń 18 jeltoqsanynda beriledi dep josparlanýda. Budan bólek, múgedektikti anyqtaýǵa baılanysty qyzmetterdi de onlaın formatta alý jeńildeı túsedi dep kútilýde.

TMD aýmaǵynda alǵash ret iske qosylǵan osy elektrondyq eńbek bırjasy.

İske qosylǵan kezeńnen bastap asa iri derekqor qalyptastyrylǵan bolatyn, al eńbek deldaldyǵy prosesi tikeleı elektrondyq formatqa kóshýde. Bıznes úshin ákimshilik shyǵyndardy tómendetý jáne azamattar úshin laıyqty jumys izdeýde geografıalyq kedergilerdi alyp tastaý qamtamasyz etildi.

Sonymen qatar, jol kartasynyń aıasynda óńirlermen birshama jumystar atqarylyp, aǵymdaǵy kezeńde jumys berýshiler men jumys izdeýshilerdi elektrondy eńbek bırjasyna qosý boıynsha sharalardy júzege asyrý úshin óńirlerdiń eńbek ınspeksıalarymen keńes berý jumystary belsendi júrgizilýde.

Elektrondy eńbek bırjasyn damytýdyń jýyrdaǵy josparlarynda kelesi máseleler qarastyrylǵan bolatyn:

-           Enbek.kz portalyna jáne Halyqty jumyspen qamtý ortalyqtarynyń «Eńbek naryǵy» júıesine engizilgen quzyrettilikter bankiniń kómegimen eńbek resýrstary úshin ózekti daǵdylardy anyqtaý;

-           jumys berýshilerdiń kelisim-sharttardy tirkeýi bóliginde eńbek kelisim-sharttaryn esepke alýdyń biryńǵaı júıesimen yqpaldastyrý;

-           HJQO-ǵa boljanatyn jumys oryndary jáne jumysshylardyń jumystan shyǵýdy josparlaýy týraly aqparatty onlaın rejımde jumys berýshiniń jeke kabıneti arqyly berý.

Áleýmettik-eńbek salasynyń júıelerin damytý jáne engizý maqsatynda «Áleýmettik tizilim» AJ aqparattyq júıesiniń prototıpi ázirlengen bolatyn. Ony tájirıbelik synaqtan ótkizý úshin 2018 jyly 18 jeltoqsanda paıdalanýǵa berý josparlanyp otyr.

Al áleýmettik kómek kórsetýdi jańǵyrtý júıesin tájirıbelik paıdalanýǵa 2018 jylǵy 4 jeltoqsannan bastap engizý josparlanýda.

ÁBJ portaly boıynsha ázirleý konkýrsy ótkizilip, ony 2018 jyldyń qarasha aıy men 2019 jyldyń maýsym aına deıingi aralyqta júzeege asyrý kózdelip otyr.

Sonymen qatar, múgedektikti rastaýǵa baılanysty qyzmetterge qatysty máselede 2018 jyly jeltoqsanda bir ótinish boıynsha belsendi formatta segiz ataýdy iske qosý josparlanýda. Qazirgi kezeńde tórt óńir pılottyq rejımde qatysyp, bes emhana tartylǵan.

Zeınet jasyna tolǵanda usynylatyn kompozıtti qyzmet 2018 jyly shilde aıynda iske qosylyp, jas shamasy boıynsha 2000-nan astam zeınetaqy tólemderi jáne bir ótinish boıynsha bazalyq zeınetaqy tólemderi taǵaıyndalǵan.

«Altyn alqa», «Kúmis alqa» salpynshaǵymen marapattalǵan nemese budan buryn «Ardaqty ana» ataǵyn alǵan, sonymen qatar, «I jáne II dárejeli «Ana dańqy» ordenderimen marapattalǵan kóp balaly analarǵa memlekettik járdemaqy taǵaıyndaý» memlekettik qyzmetin kórsetý boıynsha testileý jumystary jalǵasýda, qyzmetti belsendi formatta iske qosý 2018 jyly jeltoqsan aıyna josparlanyp otyr.

Al asyraýshyny joǵaltý boıynsha memlekettik áleýmettik kómek jáne áleýmettik tólem taǵaıyndaý qyzmetin 2018 jyly jeltoqsannan bastap ótinishsiz belsendi túrde kórsetý josparlanýda.

Jumyssyz júrgen azamattardy jumys izdeıtin tulǵa retinde tirkelgen jáne jumysyn joǵaltqan azamattarǵa áleýmettik tólem taǵaıyndaý kompozıtti memlekettik qyzmetteri aıasyndaǵy qyzmetterdi 2018 jylǵy jeltoqsan aıynan bastap ótinishsiz kórsetý josparlanýda.

Jumysshynyń beıinderin júrgizý jáne eńbek kelisimsharttaryn esepke alý júıesin qurý jáne engizý boıynsha búgingi tańda tómendegideı jumystar atqaryldy:

• «Eńbek kelisim-shartyn tirkeý» jáne «Eńbek kelisim-shartynyń derekterin DQ-ǵa berý «saqtaý» fýnksıonalynyń prototıpteri ázirlendi;
• Eńbek kelisim-sharttaryn tirkeý boıynsha pılottyq joba aıasynda júıede barlyǵy 5460 kelisim-shart tirkeldi. Qazirgi kezeńde pılottyq uıymdar tizimine 21 kásiporyn kiredi;
• Jol kartasy baǵdarlamasynyń aıasynda óńirlermen jumys bastalyp, búgingi tańda óńirlerdiń eńbek ınspeksıalarymen keńes berý jumystary belsendi júrgizilýde. Sonymen qatar, kásiporyndy óńirlerge arnalǵan e-HR jobasyna qosý jumystary boıynsha nusqaýlyq ázirlendi;
• Qazirgi kezeńde 249 kásiporynǵa keńes berilip, onyń 24-i odan ári yqpaldastyrý úshin ózderiniń aqparattyq júıelerin pysyqtaýdy bastady;
• Jumysshynyń jeke isin qalyptastyrý úshin olar derekter usyný boıynsha memlekettik organdarmen yqpaldastyrý jumystaryn bastady. Jeke tulǵalardyń memlekettik derekqorynan derbes derekterdi (jeke kýálik boıynsha aqparat, mekenjaı derekteri jáne t.s.s.) usyný boıynsha servıs júzege asyryldy;
• Jumysshydan derbes derekterdi óńdeýge kelisim alý boıynsha fýnksıonal tıanaqtalýda;
• kz portalynyń kómegimen eńbek kelisim-sharttaryn tirkeý múmkindigi ázirlenýde. Bul servıs Eńbek kelisim-sharttaryn biryńǵaı esepke alý júıesimen yqpaldastyrý úshin óziniń aqparattyq júıesi joq, biraq atalǵan júıege qosylýdy qalaıtyn jumys berýshiler úshin ázirlenýde;
• Tájirıbelik synaqtan ótkizý maqsatynda paıdalanýǵa berý 2018 jyldyń 22 qarashasyna josparlanyp otyr.

2018 jyly Eńbek bırjasynda 72 myńnan astam jumys berýshi 620-dan astam bos oryn jarıalady. Al aǵymdaǵy jyly jumys izdeýshiler 346 myńǵa jýyq túıindeme ornalastyrǵan. Onyń ishinde 318 myńnan astam azamat 2018 jyly elektrondy eńbek bırjanyń kómegimen turaqty jumysqa ornalasqan. Bul kórsetkish atalmysh baǵytta jumystyń qarqyndy júrip jatqandyǵyna dálel bola alady.

Endigi kezekte tabys tarıhyna toqtala óteıik. Kompozıtti formatqa kóshýdiń arqasynda 3 qyzmet zeınet jasy tolǵan kezde (jasy boıynsha zeınetaqy tólemderin taǵaıyndaý, bazalyq zeınetaqy tólemderi jáne BJZQ-tan zeınetaqy tólemderi) 1 ótinish negizinde usynylǵan bolatyn. 2018 jyldyń 2 qarashasyndaǵy jaǵdaı boıynsha qyzmet 6 137 alýshyǵa usynyldy.

Balanyń týýyna baılanysty jáne bir jasqa deıin bala kútimi boıynsha memlekettik járdemaqy taǵaıyndalǵan turǵyndardyń sany asa belsendi formatta ótken kezeńde 19 904 qyzmetti qurady.

2018 jyly Elektrondyq eńbek bırjasy iske qosylǵan kezeńnen beri jumysqa ornalasý 2017 jylmen salystyrǵanda 35%-ǵa artqan, elektrondyq úkimettiń Telegram-bot-ynda EEB bos oryndary men túıindemelerin izdeý (@EgovkzBot), sondaı-aq, bos oryndardy izdeý jáne azamattyń ornalasqan jerine qaraı halyqty jumyspen qamtýdyń eń jaqyn ortalyǵyn anyqtaý (@Enbek_bot) fýnksıalary qosyldy.

Elektrondy eńbek bırjasynda ótinish qaldyrý úshin portalǵa qalaı tirkeledi?

Elektrondyq eńbek bırjasynyń portalynda tikelý úshin www.enbek.kz silemesi boıynsha ótip, basty bettiń oń jaq joǵarǵy burynyshdaǵy «Kirý» batyrmasyna basý qajet. Jańa tereze ashylǵanda, onda «Tirkelý» batyrmasyn tańdaý qajet. Ony basqannan keıin toltyrylatyn joldary bar tirkeý formasy ashylady.

Facebook, Vkontakte, OK, MailAgent áleýmettik jelilerdiń birinde tirkelgen akkaýnt bolǵan jaǵdaıda portalǵa tirkelý prosedýrasyz, tıisti batyrmalar arqyly birden kirýge bolady.

Al, endigi kezekte, jeke kabınette túıindeme qosý úshin «Jańa túıindeme qosý» siltemesin basý qajet nemese «Qosý» batyrmasyn paıdalanýǵa bolady. Belgili faıldy tańdap alǵannan soń «Saqtaý» batyrmasyn basý qajet, atalmysh batyrmany basqanda jasalǵan túıindeme jumys izdeýshiniń jeke kabınetinde jáne portalda aıqyndalady.

Jumys izdeýshi dál osylaı basqa da qalaýly laýazymdarǵa túıindeme qosý múmkindigine ıe, «Túıindeme» qosymsha betinde «Qosý» batyrmasyn basyp taǵy da túıindeme qosa alady. Sonymen qatar, jumys izdeýshi kez kelgen ýaqytta shyǵatyn «İs-áreket» mázirinde tıisti siltemeni basa otyryp, ornalastyrǵan túıindemesin ózgerte alady.

Túıindeme qosqannan keıin bos oryndardy irikteý fýnksıasyn paıdalanýǵa bolady. Ol úshin jeke kabınette «Túıindeme» qosymsha betinde túıindemeni tańdaý jáne shyǵatyn «İs-áreket» mázirinde «Bos oryndardy irikteý» siltemesin basý qajet.

Portal jumys izdeýshi úshin sáıkes bos oryndardyń tizimin avtomatty túrde irikteıdi jáne qalyptastyrady.

Bos oryndar bar bettiń sońynda «Túıindemeńdi jiberý» batyrmasyn basyp, jumys berýshige túıindemeni bos orynnyń árbir kartochkasynan jiberýge bolady.

Túıindeme jiberilgen bos oryndar tizimin jeke kabınette «Jiberilgen túıindemeler» qosymsha betinde qaraýǵa bolady.

Jeke kabınettiń «Alynǵan shaqyrýlar» dep atalatyn qosymsha betinde jumys berýshi jibergen suhbatqa shaqyrý bar. Shaqyrýdy qarastyryp, ony qabyldaýǵa jáne jumys berýshige suhbatqa kelýge kelisim berý týraly habarlama jiberýge nemese portal arqyly suhbattan bas tartýǵa bolady.

Shaqyrý mátinin kórý úshin «Jańalar» atty qosymsha betinde shaqyrýǵa qarama-qarsy «Habarlamalar» dep jazylǵan batyrmany basý qajet. Odan ári shaqyrý mátini bar bet ashylady.

Árbir jumys izdeýshi portalda kásibı jaramdylyq testinen ótip, qandaı mamandyqta tabysqa qol jetkize alatynyn anyqtaı alady. Testten ótý úshin saıttyń basyndaǵy «Kásibı jaramdylyq» siltemesin basý qajet nemese Jeke kabınettegi qosymsha bet arqyly ótýge bolady.

Testten ótý nátıjeleri boıynsha jumys izdeýshige sáıkes keletin kásipter tizimi usynylatyn bolady. Ótkizilgen testterdiń nátıjeleri Jeke kabınette saqtalady, onda olardy kez kelgen ýaqytta qaraýǵa, sonymen qatar, qajet bolǵan jaǵdaıda *pdf formatynda saqtap alýǵa da bolady.

Túıindemeni arhıvke kóshirý úshin jeke kabınette shyǵatyn «İs-áreket» mázirindegi túıindemege qarama-qarsy ornalasqan «Arhıvke kóshirý» siltemesin basý qajet.

Odan ári «Iá» nemese «Joq» batyrmasyn tańdap, «Portal sizge jumysqa ornalasý úshin kómektesti me?» suraǵyna mindetti túrde jaýap berý qajet.

Eger arhıvke kóshirilgen túıindemeni qalpyna keltirý qajet bolsa, jeke kabınette «Túıindemeler arhıvi» atty qosymsha betine ótip, shyǵatyn «İs-áreket» mázirinde túıindemege qarama-qarsy «Arhıvten qalpyna keltirý» siltemesin basý qajet. Túıindemeni arhıvten qalpyna keltirýden buryn derekterdiń ózektiligine kóz jetkizý qajet, ol úshin túıindemeni redaksıalaýǵa arnalǵan forma ashylady, sonda kez kelgen derekterdi ózgertýge, túıindemeni portalda saqtaý merzimin tańdaýǵa jáne «Saqtaý» batyrmasyn basyp, ony qalpyna keltirýge bolady.

Elektrondyq eńbek kelisim-sharttaryn tirkeý úshin jumys berýshi www.enbek.kz  Elektrondyq eńbek bırjasy portalynda tirkelýi qajet, kásiporyn týraly málimetter elektrondyq-sıfrlyq qoltańbamen rastalýy mindetti bolyp tabylady. Odan ári Jeke kabınetke ótý jáne «Eńbek kelisim-sharttary» – «Kelisim-sharttar» bólimin tańdap, «Kelisim-shart qosý» batyrmasyn basýy qajet. Odan ári kelisim-shart boıynsha aqparatty qosýǵa arnalǵan forma ashylady, formada barlyq qajetti derekterdi toltyp jáne olardy saqtaýy tıis.

Kelisim-shartty qosyp, saqtaǵannan keıin ony E-HR eńbek kelisim-sharttaryn esepke alýdyń biryńǵaı júıesine tirkeý úshin jiberýi kerek. Ol úshin kelisim-sharttyń astyndaǵy «Kelisim-shartqa qol qoıý jáne jiberý» batyrmasyn basý qajet.

Kelisim-shartta qyzmetker týraly málimetti jańartý úshin kelisim-sharttar tiziminde kelisim-shartty tańdap, atalǵan kelisim-shartqa qarama-qarsy «İs-áreket» batyrmasyn basyp jáne shyǵatyn mázirde «Derekterdi ózgertý» áreketin tańdaý qajet.

Kelisim-shartqa engizilgen barlyq ózgeristerdi E-HR eńbek kelisim-sharttaryn esepke alýdyń biryńǵaı júıesine tirkeý úshin jiberý mańyzdy bolyp tabylady. Ol úshin ózgerister engizgennen keıin kelisim-shart kartochkasynda paıda bolatyn «Ózgeristerdi jiberý» batyrmasyn basý qajet.

Eńbek kelisim-shartyna qosymsha kelisim qosý úshin tizimde kelisim-shartty tańdaý, atalǵan kelisim-shartqa qarama-qarsy «İs-áreket» batyrmasyn basý jáne shyǵatyn mázirden «Qaraý» áreketin tańdaý qajet.

Sodan keıin kelisim-shart kartochkasy ashylady, onda «Qosymsha kelisim qosý» batyrmasyn tańdap basý qajet, batyrma kartochkanyń astynda ornalasqan. Odan ári modáldi tereze shyǵady, onda qosymsha kelisim boıynsha aqparat engizý mindetti bolyp sanalady. Aqparatty qosqannan keıin «Saqtaý» batyrmasyna basý qajet.

Qoylǵan qosymsha kelisim eńbek kelisim-shartynyń kartochkasyndaǵy kestede aıqyndalady. Qosymsha kelisimdi E-HR eńbek kelisim-sharttaryn esepke alýdyń biryńǵaı júıesine tirkeý úshin jiberý kerek. Ol úshin qosymsha kelisimge qarama-qarsy kestedegi «Jiberý» batyrmasyn basady.

Jumysshymen eńbek kelisim-shartyn buzý deregin tirkeý úshin tizimde kelisim-shartty tańdaý, atalǵan kelisim-shartqa qarama-qarsy «İs-áreket» batyrmasyn basý jáne shyǵatyn mázirde «Qaraý» áreketin tańdaý qajet. Ashylǵan kelisim-shart kartochkasynda «Kelisim-shartty buzý» batyrmasyn tańdaıdy.

Odan ári modáldi tereze ashylady, onda eńbek kelisim-shartyn buzý týraly aqparat engizý qajet. Eńbek kelisim-shartyn buzýdyń sebebi anyqtamalyqtan tańdalady, atalǵan alańda mátindik izdeý qosylǵan jáne pármentaqtadan derekter engizý shamasyna qaraı anyqtamalyqtaǵy mánder shyǵady.

Aqparatty qosqannan keıin «Buzý» batyrmasyn basý qajet.

Zeınetaqy rásimdeý úshin endi ótinishpen Halyqqa qyzmet kórsetý ortalyǵyna (HQKO) barý mindetti bolyp tabylady, halyqqa qyzmet kórsetý ortalyǵynda olarǵa «bir tereze» qaǵıdaty boıynsha qyzmet kórsetiledi. Atalmysh norma 2018 jylǵy 9 qazannan bastap qoldanysqa engizilgen bolatyn. Endi HQKO-ǵa bir ret kelip, barlyq 4 qyzmetke bir ótinish qaldyrýǵa múmkindik bar.

Kórsetilgen ótinishtiń negizinde zeınetaqy alýshyǵa memlekettik kepildik (ınflásıa deńgeıin eskerýmen naqty aýdarylǵan mindetti zeınetaqy aýdarymdary, mindetti kásiptik zeınetaqy aýdarymdarynyń somasy men zeınetaqy jınaqtary somasynyń arasyndaǵy aıyrmashylyq) tóleý boıynsha asa belsendi qyzmet kórsetiletin bolady. BJZQ-dan alǵash zeınetaqyny ótinish Memlekettik korporasıada tirkelgen kúnnen bastap on jumys kúni ishinde nemese BJZQ-dan zeınetaqy tólemderin alý quqyǵy paıda bolǵan kúnnen bastap on jumys kúni ishinde tólenedi. BJZQ-dan keıingi aı saıynǵy zeınetaqy tólemderi zeınetaqy tólemderiniń belgilengen kestesi boıynsha júzege asyrylatyn bolady. Búdjet qarajaty jáne zeınetaqy jınaqtary esebinen BJZQ-dan jasalatyn tólemder bir kúni jáne ótinishte kórsetilgen bir bank shotyna aýdarylatyn bolady. Atalǵan ózgerister jappaı belgilengen zeınetaqy jasyna jetken zeınetaqy tólemderin alýshylardyń múddesi úshin engizilýde.

Kompozıtti qyzmetke jasy boıynsha zeınetaqy tólemderin, memlekettik bazalyq zeınetaqy tólemderin jáne BJZQ-dan tólenetin zeınetaqy tólemderin taǵaıyndaý kiredi. «Altyn alqa» jáne «Kúmis alqa» salpynshaqtarymen marapattalǵan, sonymen qatar, alty jáne odan da kóp bala tárbıelep otyrǵan analarǵa arnalǵan járdemaqyny alý úshin halyqqa qyzmet kórsetý ortalyǵyna kelip ótinish jazyp, sonymen qatar, 2 qujat usynýy qajet. Ol qujattar:

• Jeke basyn kýálandyratyn qujat;
• «Altyn alqa», «Kúmis alqa» salpynshaǵymen marapattalǵan kóp balaly ana ataǵyn alǵanyn nemese marapattalǵanyn nemese odan buryn «Ardaqty ana» ataǵyn alǵanyn, «I jáne II dárejeli «Ana dańqy» ordenderimen marapattalǵanyn dáleldeıtin qujat.

Járdemaqyny qaı ýaqyttan bastap alatynyńyzdy ótinish qaldyrǵannan keıin telefonyńyzǵa kelgen Sms habarlama arqyly bilýge bolady.