QR Ulttyq banktyń  eks-tóraǵasy Grıgrıı Marchenko myrza  "Eýrazıalyq ekonomıkalyq odaq elderi ortaq valútalyq odaq qurýǵa múldem daıyn emes", dep esepteıdi. Ol bul týraly "Rossıa-24" arnasyna bergen suhbatynda málimdegen.

"Meniń kózqarasymda Eýrazıalyq ekonomıkalyq odaqqa múshe elderdiń eshqaısysy da ortaq valútalyq odaq qurýǵa tolyq daıyn emes. Bul jaıly sóz qozǵaýdyń ózi qazir aqylǵa syıymsyz. Odaqqa múshe elderde makroekonomıkalyq  parametrlerdi tolyq kelisim-sharttardy tolyq oryndaǵanda baryp ortaq valúta týraly sóz etýge bolady. Ár elde Ortalyq ulttyq bankter qurý, bankterdi baqylaıtyn ulttyq uıymdar qurý, valútany qolma-qol aqshasyzdandyrýda emıtasıa jasaý, sosyn qolma-qol aqshaǵa emıtasıa jasaý kerek. Sosyn baryp, valútany ortaq jasaýǵa bolady. Al dál qazir, ortaq valúta qurý týraly sóz etpek túgili, mańaıyna da jaqyn kele almaımyz",-deıdi Grıgorıı Marchenko myrza.

Eks-bankırdiń aıtýynsha, eýrazıalyq odaqqa múshe elderdiń  ortalyq ulttyq bankteri kóbinese seriktesterdiń múddelerine mán bermeıdi. Sondaı-aq, EAEO elderi ortaq qarjylyq koordınasıa jasalmaǵandyqtan odaq aıasyndaǵy elderde devalvasıa oryn alyp jatyr.

"Sebebi, ótken jyldyń jeltoqsanynda Reseıde rúbl devalvasıaǵa ushyrady, Belarýsıada salyqty 30 paıyzǵa joǵarylatyp jiberdi. Al Qazaqstan kýrsty turaqty ustap qaldy. Osy oraıda Krylovtyń "Aqqý, shortan hám shaıan" degen mysalyn eske túsire ketken jón bolar. Bizdiń odaqtaǵy jaǵdaıymyz dál osy mysaldaǵydaı bolyp otyr ",-deıdi eks-tóraǵa.

Marchenkonyń aıtýynsha, EAEO aıasynda ortaq valúta qurý úshin makroekonomıkalyq parametrlerdi, fıskaldy saıasat pen eńbek naryǵynda ortaq kelisimder jasalýy kerek.

"Biz múlde daıyn emespiz. Bizdiń elderde qarjy júıeleri de múlde basqasha qurylǵan. Bizdegi bank júıelerindegi qarjylyq-nesıelik saıasatta ózgeshe. Sondyqtan, ortaq valúta týraly sóz etýge erte dep esepteımin",-deıdi Marchenko myrza.

Nurzat Toǵjan