Cáýirdiń 12-si kúni QHR İle Qazaq avtonomıaly oblysynyń ortalyǵy Qulja qalasynda "İle qazaq kúresi qoǵamdyq birlestiginiń" qurylý rásimi ótti. Saltanatty sharaǵa oblysqa qarasty 3 aımaqtatyń 22 aýdany men oblysqa tike qarasty qalalardan Qazaq sportyna úles qosyp júrgen sportshylar men zıaly qaýym ókilderi qatysty. Birlestik tóraǵalary saılanyp, quttyqtaýlar aıtyldy.
Buǵan deıin oblys kóleminde mundaı birlestik bolmaǵan. Qytaıdaǵy qazaq kúresi toı-tomalaq pen aýdan-aýyl kóleminen asa almaı júrgen-di. Atalmysh birlestik Kúnes aýdanyndaǵy «Qazaqsha kúres» qoǵamynan bastaý alyp obylystyq deńgeıge kóterilip otyr. Birelstiktiń qajyrlandyrý máselelerin ultqa jáne ulttyq sportqa jankúıer azamattar aınalysady eken.
Birlestik tóraǵasynyń orynbasary Nurlan Dálethanuly aıtýynsha: "Bul birlestiktiń qurylý maqsaty obylstaǵy qazaq sportyn damytý. Onyń ishinde qazaq kúresin qytaıdyń el ishi jáne halyqaralyq deńgeıge jetkizip, ári qaraı olımpıadalyq deńgeıge kóterý" eken.
Pikir qaldyrý