Qytaıda ulttyń qaıta jańǵyrýyn qamtamasyz etetin «qytaı armany» dep atalatyn óziniń ulttyq baǵdarlamasy bar. «Nurly jol» –kóliktik ınfraqurylym men qaıta ındýstıalızasıalaý sıaqty naqty mindetterdiń júzege asyrylýyn qamtıtyn ulttyq baǵdarlama. Al bul degenińiz – jańa óndirister, jańa jumys oryndary. Sondyqtan, taktıkalyq turǵyda bizdiń baǵdarlamamyz da, qytaıdyń qujaty da kóp jaǵdaıda uqsas. Búginde Qazaqstan kóliktik áleýetin damytýdy belsendi júrgizip keledi. Sizdińshe, taǵy qandaı perspektıvaly jobalardy qolǵa alýǵa bolady? Perspektıvaly jobalar kóp, biraq, eń bastysy bizge qazir ekonomıkanyń naqty sektory men aýylsharýashylyǵyna kóńil bólgen jón. Aýylsharýashylyǵy boıynsha bizde myqty básekege shydas beretin basymdyq bar. Infraqurylymdy ınvestısıalaý Azıa bankiniń iske qosylýynan bizdiń el qandaı paıda kórýi múmkin? Banktik nesıelerdi jeńildikpen alyp, bizdiń múddemizge saı keletin jobalardy júzege asyrýǵa múmkindik beredi. Qazaqstannyń osy bankti qurýshy elderdiń biri bolýynyń ózi basymdyq ákeledi. Jibek jolynyń ekonomıkalyq beldeýi. Qazaqstan ekonomıkasynyń ósýine bul jobanyń yqpaly qandaı? Qazaqstan – geografıasy boıynsha tranzıtti memleket. JJEB sheńberindegi barlyq kólik baǵyttary bizdiń terıtorıamyzben ótedi. Birinshiden, Qytaıdyń múddesin qazaqstandyq kóliktik-logıstıkalyq ınfraqurylymdy damytý úshin paıdalanýǵa múmkindik. Ekinshiden, tranzıttik dáliz úshin aqsha. Úshinshiden, jańa jumys oryndary. Tórtinshiden, Qytaımen yntymaqtastyq salalaryn keńeıtý. JJEB arqyly tek jol qurylysy salasynda emes, ekonomıkanyń naqty sektorynda da yntymaqtastyqty arttyramyz.