Bıyl AQSH-tyń Atlanta qalasynda ótken "Álem beıbitshiligine" qyzmet etken tulǵalardy marapattaý rásiminde tuńǵysh musylman ulyna Mahatma Gandı atyndaǵy "Beıbitshilik" syılyǵy tabystaldy. Bul týraly "Qamshy" portaly Samanyolu Haber-ge silteme jasaı otyryp habarlaıdy.

"Gandi-King-Ikeda" beıbitlishik syılyǵy bıyl túrkıalyq ıslam oıshyly Fethýllah Gúlenge berilgen.

Dástúrli beıbitshilik syılyǵyn tabystaý rásimi Morehouse kolejiniń Martin Luther King ǵylym ortalyǵynda qurmetti qonaqtar men ǵalymdardyń qatysýymen ótken. Atalmysh joǵary mártebeli syılyq buǵan deıin "Álem beıbitshiligine" qyzmet etkeni úshin Mıhaıl Gorbachevqa, Nelson Mandella men Demond Týtýǵa berilgen.

AQSH-tyń Atlanta qalasynda ornalasqan Morehouse kolejiniń doktory, profesor Laýrens Karter, atalmysh syılyq musylman azamattary arasynan tuńǵysh bolyp Fethýllah Gúlenge berilgenin aıtty.

"Búgin, biz ıslam oıshyly, álemdik deńgeıdegi fılosof, búkil álemge ıslamnyń beıbitshikiti nasıhattaıtyn din ekenin nasıhattap kele jatqan, jahandyq beıbitshilikke orasan zor úlesin qosyp, 2001 jylǵy 11 qyrkúıektegi oryn alǵan qasyretke qatysty óziniń oılaryn ashyq aıtyp, ıslam dini arqyly álemdegi beıbitshiliktilikti dáriptep júrgen azamat Fethýllah Gúlenge berip otyrymyz",-degen profesor Laýrens Karter myrza.

"Biz bul joǵary marapatty Fethýllah myrzaǵa berýdi jn dep taptyq. Sebebi, ol jahandy jalmaǵan terorızmmen jıhad uǵymyna qarsy kúresip keledi. Qanshama jazyqsyz adamdardyń ómirlerin qıǵan jıhadshylardyń degenderin teriske shyǵaryp, ıslamnyń qatygez din emes, beıbitshil din ekenin dáleldeýmen keledi. Biz maqtan etemiz, sebebi Fethýllah myrza adamgershilik qundylyqtardyń adam ómirindegi mańyzdylyǵyn jetkizdi. Biz ony maqtan etemiz, sebebi, ol násilshildik, er men áıel arasyndaǵy kereǵar túsinikter, etnıkalyq jikke bólinýshilik, materıaldyq deńgeıge bólinýshilik, dıskrımınasıa, ultqa bólinýshik t.s.s. siresken muzdaı uǵymdardyń ıslamda jáne álemdik beıbitshilik jolynda kedergi  bolmaıtynyn jetkizdi. Sondyqtan, men Fethýllah myrza asa zor yqylaspen atalmysh joǵary mártebeli syılyqty tabystaǵym keledi. Sizdiń oılaryńyz, álem halyqtaryn beıbitshilikke úndeýde óte mańyzdy ról aqtarady. Sizdi Mahatma Gandı, Kıng jáne Lkedalardyń izin jalǵastyrýshy dep tanımyz",-dedi marapattaý rásiminde profesor Laýrens Karter myrza.

Nurgeldi Ábdiǵanıuly