Almaty qalasynda Sátbaev pen Seıfýllın kósheleriniń qıylysynda órt shyqty. Asqanaǵa kelýshilerdiń aıtýynsha, órt 14.20 shamasynda dárethanaǵa jaqyn jerde shyqty. Bul ýaqytta ǵımaratta shamamen 150 adam boldy. Olardyń barlyǵy evakýasıalandy. Asqana terıtorıasy qorshaýǵa alyndy. Tilsiz jaýdy aýyzdyqtaýǵa bes órt sóndirý tehnıkasy jumyldy. Órt shyqqan jerge qol jetkizý maqsatynda órt sóndirýshiler ǵımarattyń shatyryn alyp jatyr. Sonymen qatar, oqıǵa ornynda jedel járdem brıgadasy jumys isteý ústinde. Dárigerlerdiń aıtýynsha, zardap shekken adam joq. Eshkimge medısınalyq járdem qajet bolmady. Sátbaev kóshesi Seıfýllın men Naýryzbaı kósheleriniń aralyǵynda jabyq tur.

 Eske salaıyq, osyǵan deıin Almaty oblysyndaǵy tehnıkalyq jóndeý ortalyǵynda5 avtomobıldiń órtenip ketkeni habarlanǵan bolatyn. Órt 10 sáýirde saǵat shamamen 20.00-de Qaınar aýylynda shyqty. 300 sharshy metrdi shalǵan órtten bir adam zardap shekti. Aldyn ala boljam boıynsha, Almaty oblysyndaǵy órt elektr symdarynan shyqqan. Órt shyqqan kezde TJO qyzmetkeriniń qoly kúıip qaldy, oǵan qajetti medısınalyq járdem kórsetildi. kaz.tengrinews.kz