Endi Qazaqstannyń kez-kelgen turǵyny almaǵa qatysty estelikterin murajaıǵa usyna alady.

Keshe saltanatty ashylý rásimi ótken «Alma múzeým» murajaıy qazaqstandyqtardyń estelikterin bir arnaǵa toǵystyrmaq. Mýzeı «Almaty» qonaqúıiniń birinshi qabatynda ornalasqan. Turǵyndar men qala qonaqtary almaǵa qatysty foto, aýdıo, vıdeo nusqalardy osynda tapsyra alady. Ol keler jyldyń qańtar aıyna deıin qabyldanbaq. 

«Búgin sondaı qýanyp turmyn. Kópten kútken «Alma Museum» mýzeıin ashyp otyrmyz. Barlyq álem almanyń otany bizdiń qala ekenin bilse deımiz. Almatynyń almanyń otany ekeni dáleldengen. Sondyqtan tarıh shejiresine tunyp turǵan qalanyń ortasyndaǵy qonaqúıde ózimizdiń mýzeıdi ashyp otyrmyz. Almanyń tarıhy jaıly jazylǵan ańyzdar, áńgimeler óte kóp, solardy osy mýzeıde jınaqtaıtyn bolamyz», – dedi uıymdastyrýshy Ajar Jandosova.