Almatyda senbi kúni ótetin jármeńkege 240 tonna ónim jetkiziledi.
Erteń qalada aýylsharýashylyq ónimderiniń jármeńkesi ótedi. Almaty oblysynyń fermerleri 240 tonnany quraıtyn taýarlaryn tómen baǵamen usynady.
«Atakent» kórme ortalyǵynyń aldynan oryn tepken jármeńkeden turǵyndar 1300 teńgege qoı etin, 1500 teńgege sıyr etin jáne 610 teńgege taýyq etin satyp ala alady. Sondaı-aq, satyp alýshylarǵa jemis-jıdek, kókónis, sút, balyq ónimderiniń keń assortımenti usynylady. Jármeńke tórt apta boıy ár senbide uıymdastyrylyp otyrady.
«Jyl basynan bastap 430-daı jármeńke ótkizildi. Jármeńkege Almaty qalasyna jaqyn ornalasqan, Almaty oblysy aýdandarynyń taýar óndirýshileri keledi. Qarasaı aýdany, Jambyl aýdany, Eńbekshiqazaq aýdany, Talǵar aýdany, İle aýdany, Uıǵyr aýdany qalamyzdaǵy ár jerde uıymdastyrylyp jatqan jármeńkelerdi taýarmen qamtyp otyr», – dedi Almaty qalasy Aýyl sharýashylyǵy basqarmasynyń bólim basshysy Qanat Kákenuly.
