Qazaq qyzy Samal Eslámova basty róldi somdaǵan "Aıka" fılmi Germanıanyń Kottbýs qalasynda ótken halyqaralyq kınofestıvalde gran-prıge ıe boldy.

Konkýrsta 40 elden 190 fılm synǵa túsken. Gran-prımen qatar "Aıka" qazylardyń arnaıy júldesin de qanjyǵaǵa baılady, dep habarlaıdy "Habar 24". 

Aıta keteıik, kınotýyndyny rejıser Sergeı Dvorsevoı túsirgen. Eńbek mıgrantynyń ómiri men onyń Máskeýde kórgen qıynshylyqtary týraly fılmge jergilikti kórermen joǵary baǵa bergen. Olardyń aıtýynsha, Samal Eslámovanyń róldi shynaıy, asqan sheberlikpen somdaýy fılmniń ózge básekelesterinen daralanyp, ozyq shyǵýyna sep bolǵan. 

Esterińizge sala keteıik, Samal Eslámova Kann festıvalinde úzdik aktrısa atanǵan edi.

"Men mundaı festıválderge kópten beri qatysyp kelemin. Eńbegińniń baǵalanǵany qýantady, árıne. Fılmniń túsirilimine daıyndyq bastalǵanda, oılanbastan Samaldy rólge bekittim. Ulty qyrǵyz bolmasa da, qyrǵyz tilin úırenip, óte jaqsy oınady", — deıdi "Aıka" fılminiń rejıseri Sergeı Dvorsevoı.