Qazannyń 21-i kúni «Sporttyq Almaty» baǵdarlamasy aıasynda velosherýdiń jabylý maýsymy ótedi. Bul shara qazaqstandyq sport jýrnalısi Galına Polevaıaǵa arnalady.

Tanymal qazaqstandyq sport jýrnalısi Galına Polevaıa 20 jyl boıy «Habar» telearnasynda tilshi bolyp qyzmet atqarǵan. Qazirgi tańda Galınanyń densaýlyǵy nasharlap, onkologıalyq aýrýmen kúresip jatyr. Onyń emdelýine kez kelgen velosherý qatysýshysy qarjylaı kómektesýge múmkindigi bar.

Al qala turǵyndary men qonaqtary tańerteń saǵat 09:00-de «Nurly Taý» bıznes ortalyǵy mańynda jınalady. Olar 09:30-da velosherýdi bastap Ál-Fabarı dańǵyly boıymen júrip 7,5 km qashyqtyqty baǵyndyrady. Qatysýshylar Tuńǵysh Prezıdenti saıabaǵynda velosherýdi aıaqtaıdy.

Sondaı-aq, márede barlyq qatysýshylardyń arasynda baǵaly syılyqtar men 10 velosıpedter oınatylady.

Uıymdastyrýshylar óz tarapynan, qatysýshylarǵa arnaıy bas kıimsiz (shlemsiz) qatysýǵa tyıym salynatynyn eskertedi.

Aıta keter jaıt, bul velosherý «Sporttyq Almaty» buqaralyq sportty damytý maqsatynda júzege asyrylǵan joba aıasynda ótkiziledi.