Búgin «Krylov» atyndaǵy balalar kitaphanasynda Shákárim Qudaıberdiulynyń 160 jyldyǵy atalyp ótti.
Keshke arnaıy kelgen qonaqtar belgili qazaq oıshylynyń eń úzdik týyndylaryn tyńdaý múmkindigine ıe boldy. Aqynnyń qurmetine arnalǵan mádenı keshti Almaty oqýshylary uıymdastyrǵan. Keshke kelgen qonaqtar qatarynda elimizdiń qurmetti mádenıet qaıratkerleri, akter-ánshiler men fılologtar boldy.
«Búgin meniń synyptastarymmen shaǵyn konsert daıyndap qoıdyq, dálirek aıtqanda, Shákárim Qudaıberdiulynyń óleńderin oqyp shyǵamyz jáne onyń ánderin aıtamyz. Men úshin Shákárim Qudaıberdiuly – uly aqyn, sebebi, ol qazaqtardyń kózin ashqysy keldi, halyqqa tálim berip, shynaıy óleńder jazdy», – deıdi Aqnıet Qajymurat.
