Sırıa opozısıasy ókilderi Qazaqstan Prezıdenti Nursultan Ábishulyna hat joldaǵan. Bul týraly RıaNovostı habarlaıdy. Sırıa  opozısıasynyń bir top ókili Qazaqstan Prezıdentinen Sırıadaǵy daǵdarystardy retteýge qatysty kelissózderge aralasýyn surap hat joldaǵan. Atalmysh hatqa Sırıadaǵy 7 birdeı opozısıalyq uıym lıderleri qol qoıǵan. Hat mátininde, oppozısıonerler Sırıadaǵy saıası ahýaldardy retteýde, daǵdaryspen kúresýde tabandylyq tanyta otyryp, kúsh salǵan  Reseı bıligine rızashylyqtaryn bildiretindikterin aıtqan. "Alaıda, biz eldegi jaǵdaıdy turaqtandyrý, geosaıası reformalardy retteý, halyqtyń ál-aýqatyn arttyrý, strýktýralyq platforma qurý úshin kelissózderdi ári qaraı jalǵastyrýdy jón dep esepteımiz. Sondyqtan biz, sizdiń kóregen saıasatyńyzben, kómegińizge júginip otyrmyz jáne siz bizdiń osy usynysymyzdy jerge tastamaı, Máskeý kelissózderiniń jalǵastyrý maqsatynda bizdi Qazaqstanǵa shaqyrady dep úmittenemiz", delingen hatta. Hat ıeleriniń aıtýynsha, Qazaqstan Sırıa halqyna beıbitshilik ákelýde jáne bılik pen opozısıa arasynda dıalog ornatýǵa úlken yqpal eterlik, halyqaralyq saıasatta zor bedelge ıe memleket. "Qurmetti Prezıdent myrza, siz bizdiń ótinishimizdi jerge tastamaı, oń kózqaras tanytady dep senemiz",-delingen hatta. Nurzat Toǵjan