Almatyda ustazdar merekesi atalyp ótip jatyr. Merekelik shara Ómirbek Joldasbekov atyndaǵy stýdentter saraıynda uıymdastyrylǵan. Muǵalimderge arnalǵan konsertte «Almaty» telearnasynyń tilshisi Ómir Ánýarbek te qatysyp qaıtqan edi.   

Sharanyń ashylý saltanatynda sóz sóılegen Almaty qalasy ákiminiń orynbasary Arman Qyryqbaev ustazdarǵa qajymas qaırat tilep, eren eńbekteriniń elenetinin aıtty. Sonymen qatar, muǵalimderdi tól merekelerimen quttyqtady. Búgingi sharaǵa qaladaǵy barlyq muǵalim, bilim berý isiniń úzdikteri jáne ardager ustazdar kelgen. Olar da áriptesterin meırammen quttyqtap, sálemderin joldady.

Sharada bilim berý salasyndaǵy úzdikter marapattalady. Sonymen qatar, «Bilim berý isiniń qurmetti qyzmetkeri» jáne «Ybyraı Altynsarın» tósbelgileri tabystaldy. Merekelik konsert estrada juldyzdarynyń óner kórsetýimen jalǵasyn tapty.

Aıta keteıik, elimizde «Ustazdar kúni» merekesi qazan aıynyń alǵashqy aptasynda toılanady.