QR GP quqyqtyq statısıka jáne arnaıy esepke alý basqarmasynyń málimetteri boıynsha, aǵymdaǵy jyldyń 10 aıynda tirkelgen 51 myńnan astam qylmystyq isterdiń 95%-yn ishki ister organdary tekseredi dep habarlaıdy Qamshy.kz aqparat agenttigi Almaty qalasy PD Baspasóz qyzmetine súıene otyryp.

«Qazaqstan Respýblıkasynyń keıbir zańnamalyq aktilerine quqyq qorǵaý qyzmetiniń is júrgizý negizderin jetildirý máseleleri boıynsha ózgerister men tolyqtyrýlar engizý týraly» zań jobasyna sáıkes, 2018 jyldyń 1 qańtarynan bastap elektrondyq nysanda qylmystyq is júrgizýdi júrgizý múmkindigi engizildi.

Búgingi kúni Almaty polısıasynyń tergeý bólimsheleri 1500-den astam shaǵyn jáne ortasha qylmystyq ister boıynsha elektrondy nusqada tergeý júrgizdi. Bul qylmystyq prosestiń ártúrli, sapaly algorıtmine qol jetkizýge múmkindik beredi.

İs júrgizý polısıasynyń qyzmetkerlerine E-qylmystyq is formasynda 100 paıyz qajetti tehnıkamen jabdyqtaý úshin jergilikti búdjetten 190 mıllıon teńge bólingen. Kelesi jyldyń basynan bastap Almaty polısıasy shaǵyn jáne ortasha aýyrlyqtaǵy qylmystyq isterdi tek elektrondyq formatta tergep otyrady.

Tájirıbeden: «Elektrondyq qylmystyq is» jobasy arqyly aldyn-ala tergeý júrgizetin adam suraýlardy sheshý, olarǵa jaýap alý úshin ýaqytty aıtarlyqtaı únemdeıdi. Tergeýdiń sandyq formaty tergeýshilerdiń polısıa, prokýratýra jáne sot arasyndaǵy júgiristerin boldyrmaıdy. Sottar sanksıany elektrondy túrde, onyń ishinde kúdiktilerdi sotqa shaqyrmaı-aq,  sot otyrystaryn beıne baılanys arqyly ótkizedi. Jalpy, elektrondy format sheshim qabyldaýdy jyldamdatty, proseske qatysýshylardyń quqyqtaryn qorǵaýdy jaqsartty jáne sybaılas jemqorlyq táýekelderin barynsha azaıtty.