Búgin Almatyda saıasatker Zamanbek Nurqadilovtiń Keńsaıdaǵy zırat basyna gúl shoqtary qoıylyp, árýaǵyna quran baǵyshtaldy. Quran baǵyshtaýǵa Altynbek Sársenbaıulynyń úlken aǵasy, jýrnalıs Rysbek Sársenbaı, «Uly dala» respýblıkalyq qoǵamdyq birlestiginiń tóraǵasy Ǵabıden Jákeı, Túrki dúnıesine sińirgen eńbegi úshin ataǵymen marapattalǵan Mahmut Qulmentegi jáne marqumnyń týystary men ózge de qoǵam ókilderin qosqanda on shaqty adam jınaldy.
Ǵabıden Jákeıdiń Qamshy.kz aqparat agenttiginiń tilshisine aıtýynsha, zamandastary Zákeńdi 1 mınýttaı únsizdikpen eske alyp, saıasatkerdiń isteri týraly estelikterimen bólisip, saǵynyshpen eske aldy.
Zamanbeksiz ótken 13 jyl (vıdeo)
"20 000 otbasyǵa jer telimin tegin úlestirip, zańdastyryp bergen"
Aıta keteıik, búgin Zamanbek Nurqadilovtiń dúnıeden ozǵan kúni. Dál osy kúni 13 jyl buryn, ıaǵnı 2005 jyly jumbaq jaǵdaıda kóz jumǵan saıasatker, qoǵam qaıratkeri Nurqadilov qazaqtyń júreginen óshpesteı oryn alyp, arda azamat bolyp máńgilik este qaldy.
