Almatyda 57 ınternet saýdamen aınalysatyn saýdagerler endi tabys salyǵyn tólemese de bolady. Búgingi tańda Almaty qalasynda elektrondy saýdamen aınalysatyn 57 kásipker tirkelgen. Onyń ishinde 27-si zańdy tulǵa bolsa, al qalǵan 30-y jeke tulǵa retinde tirkelgen.

Almatylyq ınternet dúken ıeleri elektronıka, kıim, aıaq kıim taǵy basqa da halyq tutynatyn taýarlardy ınternet keńistiginde satýmen aınalysady.

2018 jyldan bastap jańa Salyq kodeksine sáıkes elektrondy saýdamen aınalysatyn kásipkerlerge salyqtyq jeńildikter qarastyrylǵan. Bul jeńildikter ınternet saýdadan túsken tabys kásipkerdiń barlyq tabysynyń 90%-yn quraǵan jaǵdaıda ǵana beriledi.

Sonymen qatar, satyp alý kezinde tólem tek qana kartochkamen júrýi kerek. Satyp alýshymen mámile elektrondy túrde jasalýy, satýshynyń óziniń jetkizý qyzmeti jumys jasaýy mańyzdy ról atqarady.

Joǵarydaǵy atalyp ótken talaptardyń barlyǵyna saı bolǵan jaǵdaıda elektrondy saýdamen aınalysatyn kásipker salyq organdaryna tirkelýge mindetti.

Sondaı-aq, osyǵan deıin Almaty polısıasynyń ınternet pablıkterdi baqylaıtyn ıaǵnı vıdeo men foto salynǵan pablıkterdi baqylaý úshin arnaıy jumys toby jumysyn bastaǵan bolatyn. Onyń quramyna ákimshilik polısıa basqarmasy, jergilikti polısıa qyzmeti, zań bólimi, departamenttiń baspasóz qyzmetiniń mamandary qyzmet atqarýda. 

Aıta ketelik, elimizde ótken jyly elektrondy saýda kólemi 30%-ǵa ósip 1 mıllıard dollarǵa jetken bolatyn. Qazaqstandaǵy elektrondy saýda naryǵy otandyq ınternet-dúkenderinde jáne elektrondyq qyzmetter saıttarynda satyp alý sany boıynsha TMD elderi úshtiginiń qataryna endi. Bıylǵy jyly mamandardyń aıtýynsha onlaın satylym men onlaın qyzmet kórsetý kem degende eki ese ulǵaıady. Elektrondy saýda salasynda aldyńǵy rólge shaǵyn jáne orta bıznes ókilderi shyǵady.

Nazar aýdaratyn taǵy bir úrdis - Ortalyq Azıa elderiniń naryǵynda ınternet-dúkender jelisi damyp, aqshasyz tólem platformalary qurylýdyń nátıjesinde qazaqstandyq kásipkerler bul baǵytta jumys jasaýda.