2018 jyldyń mamyrynan beri «Qazposhta» AQ «Satyp al da jeńip al!» utysyn oınatýda. Osylaısha, sálemdemege tapsyrys bere otyryp, Lada Xray avtokóligin utyp alýyńyzǵa múmkindigińiz bar.

Atalǵan aıtýly sharaǵa jasy 18-den asqan kez kelgen adam qatysa alady. Ol úshin nebári ınternetińiz bolsa jetkilikti. Aksıa aıasynda jeńil kólikten bólek qundy syılyqtar da óz ıesin tappaq. Al qorytyndysy 20 jeltoqsanda belgili bolmaq. Jeńimpazdyń esimi kezdeısoq jaǵdaıda anyqtalady.

«Satyp al da, jeńip al» sharasyna qatysý úshin eń aldymen ınternet arqyly úsh taýarǵa tapsyrys berip, artynsha Qazposhtanyń promo saıtyna tirkelip, sálemdemeniń trek-nomerin engizip, konkýrs týraly áleýmettik jelide post jarıalaý qajet. Tapsyrysty 15 jeltoqsanǵa deıin kez-kelgen ınternet-dúkenge jiberýge bolady. Taýar quny da mańyzdy emes. Bul aksıaǵa 18 jastan asqan kez kelgen adam qatysa alady.

«Biz jyl boıy klıentterimiz arasynda túrli utys oıyndaryn ótkizip júrmiz. Bul joly keremet syılyqtarymyz bar. Bas júlde - jeńil avtokólik. Eń basty talap - sálemdeme sizdiń atyńyzǵa rásimdelip, kazpostpromo.kz saıtyna tirkelý kerek», – dep atap ótti «Qazposhta» AQ komersıalyq dırektory Sáýle Ábilbaeva. 

Bıyl Qazposhtanyń qurylǵanyna 25 jyl toldy. Ataýly mereıtoıǵa baılanysty mekeme avtokólikten bólek, Qazpost/Alı ekspress atty 25 tólem kartochkasyn utysqa qoımaq nıette. Onymen kez kelgen taýardy bir jarym paıyz jeńildikpen satyp alýǵa bolady. Sonymen qatar, ár kartochkanyń ishinde 25 myń teńge qarjy bar.