Jaqynda Atyraýda «Qazposhta» AQ-nyń sálemdemeler sýpermarketi ashyldy, dep habarlaıdy atyrautv.kz aqparattyq agenttigi.
Bul qalada ashylǵan 5-shi sýpermarket. Onyń ashylýyna «Qazposhta» AQ Basqarma tóraǵasy Sáken Sársenov, Atyraý oblysy ákiminiń birinshi orynbasary Serik Shapkenov jáne t.b. tulǵalar qatysty.
«Kezinde qaǵazǵa baılap kógershinmen ushyratyn bolsa qazir zamanaýı tehnologıa qazir ǵana jazǵan hatyńdy 1-2 mınýtta ákeledi. Mine tehnologıanyń ósken zamany. Sondyqtan da biz bul zamannyń talabynan qalmaýymyz kerek. Sol zamannyń talabymen birge júrýimiz kerek. Qazposhta salasynda osynyń barlyǵy istelip jatqan isterin kórip, kóńilimiz tolyp jatyr, - dedi S. Shapkenov.
Sálemdemeler sýpermarketiniń arqasynda turǵyndar sálemdemelerin 2 mınýttyń ishinde alý múmkindigine ıe boldy. Osylaısha, jańa ortalyq sálemdemelerdi qabyldaý men jiberý ýaqytyn qysqartyp, kompanıanyń shyǵyndaryn únemdemek. Qazaqstanda mundaı sýpermarkettiń 214-i bolsa, onyń 10-y Atyraýda eken.
Aıta ketý kerek, Qazposhtanyń «Transformasıa» baǵdarlamasy boıynsha jáne «Sıfrlyq Qazaqstan» memlekettik baǵdarlamasyna sáıkes, respýblıkanyń ár óńirinde Sálemdemeler sýpermarketi ashylyp jatyr. Atalǵan sýpermarket turǵyndardyń sálemdemelerdi der ýaqytynda alýyna múmkindik beredi. Turǵyndar buryńǵydaı kezek kútip otyrmaıdy. Sálemdeme jiberilgennen keıin ony qabyldaýshy azamattyń telefonyna sms keledi. Azamat sol boıynsha «Qazposhta» mekemesine kelip, sýpermarketten sálemdemeni alyp ketedi. Mundaı joba alǵash ret TMD-da júzege asyrylǵan.
Al elimizdegi eń úlken sálemdemeler sýpermarketi ótken aıda Almatyda ashylǵan bolatyn. Osylaısha, osyndaı jańa ortalyqtar turǵyndarǵa sapaly qyzmet usynýǵa aıtarlyqtaı kómek kórsetýde.
