Búgingi kúni turǵyn úı qurylys jınaq banki 364 páterden turatyn pýl ázirlep jatyr. Páterlerdiń 1 sharshy metriniń quny Astana jáne Almaty qalalarynda 180 myń teńge. Bul degenimiz Astana qalasyndaǵy ortasha naryqtyq baǵadan eki esege tómen. Bul týraly búgin bank ókilderi aıtty.
Aıta keteıik, «Nurly jer» memlekettik baǵdarlamasy 2016 jyldan bastap iske qosyldy. Jalpy merzimi 15 jyl. Ári baǵdarlamany júzege asyrý úshin memlekettek qazynadan 4 mlrd 600 mln teńge qarjy bólý qarastyrylǵan.
Buǵan qosa turǵyn úı qurylys jınaq bankiniń basshylyǵy turǵyndar men jýrnalıserge baǵdarlama aıasynda elordada salynǵan nemese salynyp jatqan turǵyn úılerdi kórsetti. Nysandar negizinen №227 jáne Máńgilik el, №27 jáne №36 kóshelerdiń aýdanynda ornalasqan.
Bank ókilderi baǵdarlama boıynsha qalaı páter satyp alý kerektigin de aıtyp ótti:
-Birinshiden, turǵyn úı qurylys jınaq bankiniń tutynýshysy bolý;
-depozıtke bastapqy jarnany jınaý, úı baǵasynyń 20 paıyzyna teń soma bolýy tıis;
-qaryzdyń jyldyq mólsherlemesi 5 paıyzdy quraıdy.
Páter baǵalarynyń bir sharshy metri Astana jáne Almatydan ózge qalalarda 140 myń teńge. 2018 jyl bastalǵaly bank júıesiniń kómegimen 26 myń azamat baspanaly boldy. Onyń shamamen 7 myńy «Nurly jer» memlekettik baǵdarlamasy arqyly ıpotekalyq qaryz rásimdegen.
2019 jyly baǵdarlama aıasynda elordada 1825 páter satý josparlanyp otyr. Jalpy «Nurly jer baǵdarlamasy boıynsha salynyp jatqan nysandar týraly aqparatty baspana.kz portaly arqyly tolyǵyraq oqyp bile alasyzdar. Osy oraıda Qamshy.kz aqparat agenttigi baǵdarlama boıynsha qazaqstandyqtardyń bilýi tıis aqparattarymen bólisýdi jón kórdi.
Birinshiden, baǵdarlama 15 jyl boıy júzege asyrylady. Jospar boıynsha, 2031 jylǵa deıin 1,5 mln otbasy úıli bolýy tıis. Baǵdarlamanyń arqasynda jyl saıyn 100 myń adam páterdiń kiltin alady. Jalpy jospar mynadaı:
Jaldamaly turǵyn úıdiń 45 myń páteri (2,2 mln m²);
Kredıttik turǵyn úıdiń 245 myń páteri (12 mln m²);
SQJMQ, BD, QIK 46 myń páteri;
600 myń jeke turǵyn úı (60 mln m²);
564 myń komersıalyq páter paıdalanýǵa beriledi.
«Nurly jer» baǵdarlamasy birneshe baǵyttan turady. Olar: kredıttik turǵyn úı alý, úıdi jalǵa berý jáne jeke turǵyn úı qurylysyn damytý boıynsha jer ýchaskelerin satý.
Baǵdarlama birneshe talaptan turady. Salymshynyń esepshotynda kelisilgen baǵanyń keminde 30 prosenti jınalý kerek. Mundaıda jyldyq mólsherleme 5 paıyzdy quraıdy. Al páter esepshotyna qarjyny ýaqytyly ári qomaqty somada salyp otyrǵan azamattarǵa beriledi.
Baspanaly bolamyn degen adam syrtqa shyqpaı-aq prosesti júzege asyra alady. Qadamdary tómendegideı:
1.ózi qalaǵan qalany tańdaý;
2.qandaı nysandardyń qurylys jumystary júrip jatqanyn jáne klıentterden túsetin ótinish qashanǵa deıin qabyldanatynyn anyqtaý;
3.unaǵan páterdi tańdaý;
4.páter satyp alýshylar pýlyna qatysý úshin ótinish jazý.
Jalǵa alý quny 1 sharshy metrge 100 teńge. Baspana alý úshin ákimdikke kezekke turý qajet.
Baıaǵdarlama aıasynda soǵys ardagerlerine, jetimderge, áleýmettik jaǵynan az qamtylǵandarǵa jáne memlekettik qyzmetkerlerge basymdyq beriledi. Olar da ótinish jazyp, kezekke turýy tıis.
Atalǵan sanattaǵy adamǵa jatsańyz da, «Nurly jer» baǵdarlamasymen baspana alý úshin birneshe talapqa saı kelýińiz shart.
Birinshiden, sońǵy bes jylda atyńyzda baspana bolmaýy kerek. Ekinshiden, Astana men Almatyda eń kemi eki-úsh jyl tirkeýde turǵan bolýyńyz qajet.
«Nurly jer» baǵdarlamasy boıynsha ıpotekalyq turǵyn úı jyldyq mólsherlemesi 10 paıyz jeńildikpen beriledi. Ol úshin mynadaı kezeńderden ótesiz:
Birinshi qadam: Bankke qaryz jónindegi qujatty jáne sýbsıdıa alý úshin jazǵan aryzyńyzdy kórsetesiz. Qajetti qujat tizimin bankten bile alasyz.
Ekinshi qadam: Bank kepildemeńiz men tólem júrgizý qabiletińizdi tekseredi.
Úshinshi qadam: Eger Bank sizdiń ótinishińizdi qabyl etse, 3 jumys kúni ishinde Qazaqstan ıpotekalyq kompanıasyna sýbsıdıany berý týraly qoldaýhatyn (hodataıstvo) jiberedi.
Tórtinshi qadam: Qazaqstan ıpotekalyq kompanıasy 5 jumys kúni ishinde qujattaryńyzdy tekseredi.
Besinshi qadam: Qazaqstan ıpotekalyq kompanıasy 5 jumys kúni ishinde Bankke qabyldaǵan sheshimi jóninde jazbasha jaýap jiberedi.
Altynshy qadam: Bank Qazaqstan ıpotekalyq kompanıasynyń qabyldaǵan sheshimi negizinde sizben kelisimshartqa otyrady, ıpotekalyq kelisim, tólem kestesi qurylady, eki tarap sýbsıdıalaý kelisimine qol qoıady da, ony Qazaqstan ıpotekalyq kompanıasyna jóneltedi. Kelisimshartqa qol qoıǵannan keıin Qazaqstan ıpotekalyq kompanıasy 2 jumys kúni ishinde Bankke kelisimsharttyń eki danasyn jiberedi. Onyń birin Bank sizge beredi.
Jetinshi qadam: Kelisimshart qol qoıǵan kúnnen bastap kúshine enedi. Siz «Nurly jer» baǵdarlamasy boıynsha jeńildikpen ıpoteka alasyz.
Aıta keteıik, «Nurly jer» baǵdarlamasy negizgi 5 mindetti iske asyrý arqyly halyqtyń turǵyn úı máselesin keshendi sheshýge baǵyttalǵan:
Halyqtyń áleýmettik jaǵynan osal toptary úshin jalǵa beriletin turǵyn úı qoryn qurý.
Jeke turǵyn úı qurylysyn damytý.
Turǵyn úı qurylys jınaqtary júıesi arqyly ótkiziletin kredıttik turǵyn úı salý.
Jeke qurylys salýshylardy turǵyn úı salýǵa yntalandyrý.
Ipotekalyq kredıt berýdiń qoljetimdigin arttyrý.
