Atyraý qalasynda Elbasynyń «Rýhanı jańǵyrý» baǵdarlamasy aıasynda «Týǵan jer» klýby ashyldy. Onda ólketaný jáne balalar týrızmi uıymdastyrylatyn bolady.

Igi bastama «Eýrazıa» qorynyń «Jarqyra-2018» atty jobasy aıasynda júzege asyrylyp otyr. Óńirdegi týrızmdi damytý isimen aınalysýǵa «Samuryq Qazyna» ál-aýqat qorynyń «Áreket» degen jobasynyń jeńimpazy Gúljan Elesheva bel býyp otyr. «Óskeleń urpaq jergilikti jerdegi kıeli oryndardy bilýi tıis. Sonda ǵana olar el tarıhyn sanalaryna sińiredi. Ótkennen ónege alyp, ózderinen keıingi urpaqqa jalǵaıdy» deıdi ol.

Aıta keteıik, klýb meken-jaıy Turǵyndar qalashyǵy, Sevastopolskaıa kóshesi, 1 «v» úı, 11-shi bólmede («Alladın» meıramhanasynyń qasyndaǵy bıznes-ortalyq) ornalasqan.