Qytaı túrmesinde jatqan Aqjarqyn Turlybaı tórt jylda alǵash ret ata-anasyna hat jazdy. Hatta boıjetken týǵandaryna degen saǵynyshyn bildirip, jaǵdaıy jaqsy ekenin jazypty. Hat mazmuny tómendegideı:
Qymbatty ákeshim men anashym!
Qaldaryńyz jaqsy ma? Sizderge tórt jylda alǵash ret hat jazyp otyrmyn. Qatty saǵyndym! Súıikti anashym, men úshin alańdamyz, siz otbasymyzdyń tireýisiz, sol úshin densaýlyǵyńyzdy kútýińiz qajet! Meniń densaýlyǵym óte jaqsy, sportpen jıi aınalysyp turamyn. Kóp nárseni úırendim. Kishkentaı ǵana qyzyń eseıdi. Bul jerdiń adamdary múldem bólek, ózge mádenıet, bilim berýdiń eki túrli deńgeıi. Sizder jibergen sýretterdi aldym. Bári ózgerip ketken sekildi, sińlim boı jetip, inim er jetipti. Ótinemin, sabyrmen kútińizder!
Men qazir myqtymyn, sońyna deıin aıaǵymdy nyq basyp tura alamyn, tek úmitterińizdi úzbeńizder.
Meni qashan a qoldap júretinderińizdi bilemin. Qoldaýlaryńyz úmitimniń úzilýine jol bermeıdi.
Atam men ájemniń bala kúnimde ertegi oqyp beretin sátteri esime túsip otyr. Ár týǵan kúnim, táttiler, bálishter, merekelik syılyqtar, bári-bári esimde.
Sizderge kóp raqmet!
Hattyń qytaı tilinen aýdarylǵan nusqasyn Aqjarqyn Turlybaıdyń advokaty Suńqar Nurmaǵambetov berdi.
