Tanymal qazaqstandyq ánshi Dımash Qudaıbergenniń anasy bolashaq kelininiń qazaq otbasynan shyqqanyn qalaıtynyn jetkizdi. Sondaı-aq, ol aldaǵy konsertke degen daıyndyqtyń jospardaǵydaı júrip jatqanyn aıtyp ótti dep jazady Qamshy.kz aqparat agenttigi sputniknews.kz saıtynyń deregin negizge alyp. 

Sveta Aıtbaeva Dımashtyń ulttyq qundylyqtardy joǵary baǵalaıtynyn jáne qazaqy bolmysynyń arqasynda bolashaq jarynyń de qazaq qyzy bolatynyna senimdi ekenine toqtaldy. Odan jýrnalıs "Dımashtyń sheteldik qyzdy qalyńdyǵym dep alyp kelýine daıynsyz ba?", - dep surady.

"Árkimniń mańdaıyna jazylǵan buıyrady. Sol sebepti bir jaqsy jardy kezdestirse degen tilektemiz. Árkimniń kóńili ártúrli ekeni sózsiz. Degenmen qazaqy otbasynda tárbıelengen, aǵaıyn-týmamen aralasyp, barlyq ult bolmysy boıyna sińgen balanyń kózqarasy basqasha bolatyn sıaqty", — dep Sveta Aıtbaeva "Tańǵy habar" baǵdarlamasynda ulynyń sheteldik qyzdy jar etip tańdamaıtynyna senimdi ekenin aıtyp ótti.

Ári qaraı bolashaq kelininiń qandaı bolǵanyn qalaıtynyn sıpattap berdi.

"Qazaqta ádeptiligi, kóregendiligi, tazalyǵy men ınabattylyǵy úılesken qyzdy "adal sút emgen" dep bir aýyz sózben sıpattaıdy. Árıne, osyndaı bolsa eken degen tilektemiz. Kelinimizdiń kóregendi jerdiń qyzy bolǵanyn qalaımyz", — dedi Sveta Aıtbaeva.