Búgin – ómirge qulshynysy erekshe sábılerdiń kúni. 9 aıǵa tolmaı, ana jatyryn tesip shyqqan sábılerdi medısına tilimen «shala týǵandar» dep ataıdy. Alaıda aǵzasy jetilmeı dúnıe esigin ashsa da, ólimmen kúresip, ony jeńetin náresteler kóp.

244 gram – álemdegi eń shala týǵan balanyń salmaǵy bul. Shala týyp qana qoıǵan joq, ol bala aman qaldy.

Balanyń shala týýy – sırek kezdesetin jaǵdaı emes. Statısıkaǵa sáıkes, júkti áıelderdiń 100 paıyzynyń 5-10 paıyzy ómirge jetilmegen balany ákeledi.

Ótken zamandarda shala týǵan balalardyń tiri qalýy ekitalaı bolatyn. Al búgingi medısınanyń qarqyndy damyp jatqan ýaqytynda tolyq jetilmegen balalar damyp, adam qataryna qosylyp jatyr.  

Jalpy tolyq 37 aptada bosanǵan áıelderdiń balasy jetilmegen bolyp sanalady. Negizinen salmaqtary 2 500 gram. Alaıda 25, tipti odan da az aptada dúnıege kelip, nebári 1 000 gram bolyp týatyn balalar da bar. Medısınadamundaı balalardy «ekstrımaldy shala týǵan náreste» dep ataıdy. Nazarlaryńyzǵa dúnıe esigin 1 000 gramǵa jýyq salmaqta ashyp, ǵajap kúshtiń kómegimen tiri qalǵan nárestelerdiń qataryn usynbaqpyz.

1.Tom Tamb

25 aptada dúnıe esigin ashqan Tomnyń salmaǵy alǵashynda 269 gramdy qurady. Densaýlyǵyn qalpyna keltirý úshin dárigerler uzaq kúresti. Jańa tehnologıa men qaryshtap damyp jatqan medısınanyń arqasynda bala aman qaldy.

2.Amılıa Teılor

2006 jyly Amerıkada Amılıa Teılor degen erekshe sábı dúnıege keldi. Erekshiligi sol, nebári 21 aptada ana jatyrynan shyǵyp, aman qalǵan. 284 gramdaǵy Amılıanyń boıy 24 sm bolǵan. Denesi adamnyń bir qolyna syıyp ketetindeı. Alaıda aǵzasy durys jetilmeı týǵan Amılıa ómir úshin kúresti de, jeńdi. Ol búgin 12 jastaǵy arý qyz. «Berilmeıtin» degen maǵynany bildiretin Amılıa esimi de qyzdyń zatyna saı.

3.Melında Star Gvıdo

2013 jyly Los-Andjeleste Melında Star Gvıdo atty jetilmegen sábı dúnıege keldi. Júkitilktiń 24-aptasynda dúnıe esigin ashqan náreste birneshe aı ınkýbatorda jatty, alaıda ol kúresti, ómir súrdi.

4.Rýmaısa Rahman

Álemdegi eń kishkentaı sábı Rýmaısa 244 gram salmaqpen dúnıege keldi. Al egiz-ápkesi eki ese artyq salmaqpen, ıaǵnı 567 gramda týdy. Inkýbatordan shyqqan egizder 10 aptadan soń-aq adam bolyp qalyptasyp úlgerdi.

5.Medelın Menn

1989 jyly 280 gram salmaqpen Medelınn dúnıege keldi. Týǵanda mıyna qan quıylǵan, alaıda sábıdiń ómirine qaýip tóndirmedi. Kishkentaı ǵana sábıdiń búgin 29-da, densaýlyǵy da myǵym.