Qaırat Nurtas anasy ári prodúseri Gúlzıra Aıdarbekovanyń kezekti týǵan kún keshin Almaty qonaqúıleriniń birinde dúrkiretip ótkizdi.
Foto comode.kz
Qaırat Nurtastyń shoý-bızneste úlken jetistikke jetýi birinshiden Allanyń, ekinshiden anasynyń arqasy desek qatelespeımiz. Gúlzıra Aıdarbekova Qaırattyń anasy ǵana emes, prodúseri, óziniń “KN” jeke menshik kıim brendi óndirisiniń dırektory.
Gúlzıra Aıdarbekova óziniń joldasymen uldarynyń jobasyna qatysty barlyq isterge úlgerý úshin Almaty, Astana, Beıjińniń ortasynda shapqylap júredi. Kúni keshe Qaırattyń anasy Gúlzıra Aıdarbekova óziniń týǵan kúnin atap ótti.
Álemniń jaryǵyn syılaǵan anasyna Qaırat esten ketpes úlken mereke syılady. Anasynyń týǵan kúnine oraı Qaırat Nurtas Royal Tulip qonaqúıinde úlken meıram uıymdastyrdy. Atalǵan merekege Aıdarbekovterdiń týǵan-týys, dos-jarandarynan bólek qazaq estradasyndaǵy tanymal juldyzdar da keldi.
Qaırattyń anasyna degen erekshe súıispenshiligi syrtkózge kórinip turady. Gúlzıra hanym da qashanda balasynyń qasynan tabylady, barlyq gastroldik saparlarda birge júredi, konsertterin uıymdastyrýǵa kómektesedi.
Balasy uıymdastyrǵan ádemi keshte Gúlzıra Úsenqyzy ózine arnalǵan tátti torttyń ústindegi balaýyz shamdardy úrlep, erekshe kóńil-kúıge bólendi.
Foto comode.kz
Gúlzıra Úsenqyzy men Nurtas Aıdarbekov úsh ul tárbıelep otyr. Qaırat olardyń tuńǵyshy. Qaırat pen onyń inileriniń tıisti bilim alýyna, ónerde úlken belesterge jetýine ata-anasy úlken kúsh saldy.
“Men balama jaqyn bolý úshin de, oǵan qashanda ózimniń qoldaýymdy bildirý úshin de prodúser bolýǵa bel baıladym. Men árqashanda jaqsy ana bolýǵa, balalaryma jaqsy tárbıe berýge tyrystym. Men óz balalarymmen maqtanamyn”, – deıdi Gúlzıra Úsenqyzy.
Pikir qaldyrý