13 sáýir kúni Qyrǵyzstan astanasy Bishkek qalasynda alkogóldi ishimdikke sylqıa toıyp alǵan 35 jastaǵy er azamat 4 jastaǵy qyzdy zorlaǵan. Qyrǵyzstandyq "Kabarlar.org" saıty habarlaıdy.

Qyrǵyzstandyq resmı BAQ - MA SHIIBB-nyń baspasóz qyzmetiniń málimetine súıensek, jantúrshigerlik oqıǵa 13 sáýir kúni keshki 19:30 shamasynda Bishkek qalalyq avto bekettiń batys bóliginde ornalasqan turǵyn úılerdiń birinde bolǵan. Tanystarynyń úıine qonaqqa kelgen 25-35 jas aralyǵyndaǵy 3 er azamat dastarhan basynda alkogóldik ishimdikke sylqıa toıyp alady. Otyrys sońynda qatty masaıyp qalǵan jigitter tóbeles shyǵaryp, arty daý-damaıǵa ulasqan. Máseleni úıdiń syrtynda sheshpek bolyp, barlyǵy dalaǵa shyǵyp ketkende, qonaqtardyń bireýi úıde qalyp qoıady. 35 jastaǵy er azamat jatyn bólmede uıyqtap jatqan 4 jasar qyzdy aldap, "Ákeńdi mılısıa alyp ketti, júr" dep beıtanys jaqqa urlap áketken. Al daý tarqaǵan kezde qyzdyń ata-anasy úıdegi qyzy men qonaqty tappaı qalady da, dereý quqyq qorǵaý organdaryna habarlaıdy. Al quqyq qorǵaý qyzmetkerli joǵalǵan qyzdyń óli denesin ertesi tańerteń sol mańaıdaǵy kóshelerdiń birinen tapqan. 4 jasar qyzdyń denesine jasalǵan saraptama qorytyndysy, máıittiń jan tapsyrmas buryn aýyr soqqy alǵanyn jáne zorlanǵanyn kórsetken. Qazir atalmysh oqıǵaǵa kúdikti degen azamat tutqyndalyp, ústinen qylmystyq is qozǵalǵan.

Nurzat Toǵjan