Aktrısa, «Arnaý» tobynyń ánshisi Saltanat Baqaeva únemi jaryn jasyryp júretin Qaırattyń jubaıy Juldyzdy týǵan kúnimen quttyqtap, sýretin jeke paraqshasyna engizdi.

Anasynyń mereıtoıyn ótkizgen Qaırat  jarynyń qýanyshyn qalaı qarsy aldy?

Jaqynda Qaırat Nurtastyń anasy, prodúseri Gúlzıra Úsenqyzy týǵan kúnin dúrkiretip, qymbat meıramhanada toılaǵanyn jurt jaqsy biledi.

Anasynyń toıyna kóptegen tanymal óner adamdary men joǵary laýyzymdy tulǵalar qatysty. Artynsha, bir-eki kúnnen keıin Gúlzıranyń kelini, ánshiniń zaıyby Juldyzdyń da týǵan kúni ótti. Alaıda jelide belsendilik tanytyp, únemi qýanyshyn ınsta dostarymen bólisetin prodúser de, Qaırat ta bul týraly jaq ashpady.

Tipti jyly lebizin bildirgen, quttyqtaý sózin de kóre almadyq. Esesine, Saltanat Juldyzdyń týǵan kúnin atap ótkenin jáne birge túsken sýretin jarıalady.

Osy oraıda, kóptegen oqyrmandar Qaırattyń jeke basyna tıisip, sóz qyldy. Olardyń qalaýy bireý ǵana. Ol jaryn jasyrmaı, dúıim jurtqa kórsetý.

Aıtpaqshy, Juldyz ınstagram jelisine tirkelmegen. Biraq ol  oqyrmandarǵa jáne Saltanatqa alǵys bildirip, aq nıetterine rahmet aıtty. Ol ázirge bul jelini qoldanbaıtynyn, biraq jaqynda tirkeletinin jetkizgen.