Búgin Ýkraına Golodomordyń 85 jyldyǵyn atap ótýde. Bul kún sondaı-aq shyndyqtyń kózine tike qaraýǵa túrtki boldy: 1932-1933 jj. Ýkraınada bolǵan asharshylyq Qazaqstanda sıaqty qoldan jasalǵan zulymdylyq. «Ýkraınany saqtap qalý úshin biz Ýkraınada komýnıstik rejıminiń jasaǵan aýyr qylmystaryn árqashan este ustaýymyz kerek», - dedi Poroshenko.

Órkenıetti álem shyndyqtyń jarıa bolýy men totalıtarlyq rejımniń qylmystary tarıhı-quqyqtyq baǵaǵa ıe bolýy úshin barlyq múmkindikti jasady.

AQSH-tyń memlekettik departamenti Ýkraınadaǵy Golodomordyń 85 jyldyǵyna oraı jasalǵan málimdemesinde 1932-1933 jyldarda Ýkraınadaǵy/Qazaqstandaǵy jasandy asharshylyq HH ǵasyrdyń eń aýyr qylmystarynyń biri boldy degendi rastaıtyn derekter kóp.

Golodomordyń 85 jyldyǵyna oraı mıllıondaǵan kinásiz ýkraındyqtar Stalınniń totalıtarlyq rejıminiń kesirinen ashtyqtyń azabyn tartty.

Memlekettik departamenttiń málimdeýinshe, búgingi kúni ýkraındyqtar ózderiniń jeke basyn jáne Ýkraına halqynyń Batysqa umtylysyn joıýǵa tyrysqan júıeniń nátıjesinde qaza tapty. «Ýkraınanyń shyǵysynda jalǵasqan reseılik agresıa 10 myńnan astam adamnyń ólimine ákep soqtyrdy, degenmen ýkraındyqtardyń jarqyn bolashaqqa umtylýyna kedergi keltire almaıdy. Reseı ýkraın halqynyń rýhyn jeńe almaıdy», - delingen AQSH-tyń memdepartamentiniń qujatynda.

Amerıka Ýkraınanyń egemendigi men aýmaqtyq tutastyǵyn jáne ýkraındyqtardyń óz kýrstaryn tańdaý quqyǵyn qoldaıtynyn rastap otyr.

2016 jyly Ýkraınanyń Joǵarǵy Radasy 1932-1933 jyldardaǵy Golodomordy ýkraın halqyna qarsy jasalǵan genosıd retinde taný týraly ótinishpen demokratıalyq memleketterge júgindi. Ýkraınanyń Syrtqy ister mınıstrliginiń veb-saıtynda habarlanǵandaı, búgingi kúni 24 memleket Ýkraınadaǵy Golodomordy «genosıd» dep tanydy.

Kerimsal Jubatqanov,

Qazaq-Orys Halyqaralyq Ýnıversıtetiniń dosenti, tarıh ǵylymynyń kandıdaty.