TAS Group týraly estigenińiz bar ma? Onyń quramynda 10 kompanıa bar. Onyń biri ári biregeıi - TAS Kredıt. Ol 8 jyl buryn óz irgetasyn qazaqstandyq naryqta myqtap qalady. Qazir kompanıanyń Qazaqstannyń iri qalalarynyń barlyǵynda derlik fılıaldary boı kóterip, qyzý jumys istep jatyr. Jaqynda kompanıanyń 20 - fılıaly ashylyp, kompanıa ony dúrkiretip atap ótti. Oǵan Qazaqstannyń maqtanyshy, kásipqoı boksshy Qanat Islam, depýtat, kásipker, bloger Qaırat Qudaıbergen arnaıy quttyqtap keldi.
Aıta keteıik, 25 jekpe-jek ótkizip, onyń 25-inde de jeńiske jetken Qanat Islam atalmysh kompanıanyń bet-beınesi.
Ashylý saltanatyna BAQ ókilderi qatysty, Túrkıa, Reseıden qonaqtar keldi. Kompanıanyń 20 - fılıalynyń lentasyn Qanat Islam men Qaırat Qudaıbergen kesti.
Kompanıa qyzmetkerleri kelgen qonaqtarǵa keńseniń ishinde kishigirim týr jasap, ár bólim nemen aınalysatynyn jáne jetistikterimen bólisti.
Týr kompanıa basshysy Dýlat Tastekeevtiń bólmesinen bastaý aldy. Qabyrǵada Elbasynyń portreti, ústel ústinde «Menedjment» degen ataýy kózge birden túsetin qalyń kitap jatyr. Ol Rýhanı Jańǵyrý baǵdarlamasy aıasynda qazaq tiline aýdarylǵan kitap eken. Bárinen buryn tórde turǵan qazaqtyń qara dombyrasy kóńilge jylý syılady.
Qonaqtar da ulttyq aspapty birden baıqap, Dýlat myrzaǵa «kúı oryndap ber» dep qolqa saldy. «Naǵyz qazaq qazaq emes, naǵyz qazaq - dombyra» degendi myqtap sanaǵa sińirgen Dýlat Tastekeevtiń dombyra tartýdy úırenip júrgenine 1 aıdyń júzi bolypty. Qonaqtardyń ótinishin jerge tastamaı, quıqyljytyp dombyrada oınap berdi. «Dombyra tartýdy úırengenine 30 kún ǵana bolǵan adam úshin bul óte jaqsy nátıje», dep máz bolysty qonaqtar.
Keńsede arnaıy taqta ornatylǵan eken. Oǵan fılıaldyń ashylý saltanatyna kelgen qonaqtar óz tilekterin birneshe tilde jazyp, qaldyrdy. Biri «kompanıa zor tabysqa jetsin» dep jazsa, endi biri kompanıa qyzmetkerlerine densaýlyq tiledi.
TAS Kredıt meshit qurylysy, mektepte tarıh synybyn jabdyqtaý sekildi jumystarmen de aınalysatyn aıtyp ótken jón.
Kompanıanyń 20-fılıalynyń ashylýyna oraı quttyqtap kelgen qonaqtarǵa qazaqy dástúrmen dastarhan jaıyldy. Oıyn oınatyldy. Kezdeısoq tańdaý arqyly 5, 6 qonaq baǵaly syılyqtardy jeńip aldy.
Jalpy qonaqtarǵa kompanıanyń qýanyshyn bólisip, altyn ýaqytyn sarp etkeni úshin kishigirim syılyqtar taratyldy.
İs-shara keńseniń eń joǵary qabatyna shyǵyp, ásem qala Almatyny tamashalap, estelikke fotoǵa túsýmen aıaqtaldy.
Aıta keteıik, TAS Kredıt 8 jyl buryn qurylǵan. 2010 jyly Almatyda kishkentaı ǵana keńse ashyldy. Qazir Qazaqstan boıynsha 20 fılıalyn ashyp úlgergen kompanıa basshysy, ol ýaqytta barlyq qyzmetti jalǵyz ózi atqardy. Telefonǵa da jaýap berdi, klıenttermen de jumys istedi. Tipti tazalyq jumystaryn da ózi júrgizdi. Alty jyl ótkennen keıin TAS Kredıt kompanıasy aıasyn keńeıtip, Qazaqstannyń birqatar qalasynda fılıalyn ashady. Keshe ǵana táı-táılap qadam basqan mekeme aıaǵyn nyq basyp, tutynýshy suranysyna tolyq jaýap beretin úlken kompanıaǵa aınaldy.
Kompanıa eń alǵashqy qadamyn altyndy kepilge alyp kredıt berýmen bastaǵan. Osy salaǵa mamandanyp, onyń qyr-syryn jetik meńgerip, tutynýshy suranysyn qanaǵattandyryp, sapaly qyzmet kórsetýdi arttyryp, onyń aıasyn keńeıtýdi maqsat etkennen keıin tehnıkany, odan keıin kólikti kepilge alyp kredıt beretin boldy. Qazir TAS Kredıt kompanıasy kepilge tek kólikti alady.
Kompanıa naryq suranysyna jaýap berip, básekege qabiletti bolyp otyrǵanyn ózderi birneshe faktorǵa baılanysty ekenin aıtady.
— Kompanıanyń óz mısıasy bar. Ony ár fılıaldan baıqaı alasyz. Qyzmetkerler mısıany jadynan shyǵarmaıdy jáne onyń maǵynasyn túsinedi. Sonymen birge, kompanıanyń óz qundylyqtary bar. Menedjerler ony da bilýi qajet. TAS Kredıttiń óz utymdy tustary bar ekenin de atap ótý kerek. Ony kóshirý múmkin emes, - deıdi TAS Kredıt kompanıasynyń marketology Eńlik Aqdáýlet.
Segiz jyldyq qajyrly eńbektiń arqasynda kompanıa qazir kólikti kepilge alyp, kredıt berý naryǵynda kósh bastap tur. Onyń úlesi - 45%.
