«Nur Otan» partıasy Qazaqstan Respýblıkasynyń ıgiligi úshin túrli jobalar jasap, qyzý jumys istep jatyr. Sonymenbirge, Qazaqstan Respýblkasynyń prezıdenti Nursultan Ábishuly Nazarbaevtyń Qazaqstan halqyna arnalǵan jyl saıynǵy Joldaýynda aıtylǵan kóptegen tapsyrmalar men mindetterdiń, maqsattardyń júzege asyp, oryndalýy úshin baryyn salyp júr. "Nr Otan" partıasy óz qyzmetin jańǵyrtý barysynda birqatar tyń jobalardy qolǵa alyp, júzege asyrý jumystaryn júıeli túrde júrgizip kele jatqany jasyryn emes. Sonyń ishinde Elbasynyń «Rýhanı jańǵyrý» baǵdarlamasy boıynsha da birqatar bastamalar bar ekenin aıta ótý kerek. "Nur Otan"  partıasynyń atqaryp jatqan jumystary el aǵalary, ıaǵnı aqyn-jazýshylar tarapynan da qoldaý taýyp otyr. Soǵan tórt birdeı joba qosylyp otyr aıta ketken jón.«Nur Otan» partıasy Tóra­ǵasynyń Birinshi orynbasary Máýlen Áshimbaev jumys qalaı júrip jatqanyn jáne joba týraly, "Nur Otan" partıasynyń jospary týraly bólisti. 

"Búgin kópten beri oıymda júrgen istiń oraıy kelip, Tólen Ábdik, Aldan Smaıyl, Ulyqbek Esdáýlet aǵalarym bastaǵan Qazaqstan Jazýshylar odaǵynyń múshelerimen jáne elimizdiń zıaly qaýym ókilderimen kezdestim. Basqosýda Elbasy Joldaýyndaǵy basymdyqtar, olardy halyqqa túsindirý boıynsha birlesken jumys baǵyttary, búgingi ádebıetimizdiń ahýaly, jas aqyn-jazýshylarymyzǵa qoldaý kórsetý sıaqty máselelerdi qozǵap, pikir almastyq.

Ózderińizge belgili, Joldaýda Memleket basshysy «Rýhanı jańǵyrý» baǵdarlamasyn ári qaraı jalǵastyryp, onyń aıasyn jańa mazmunmen jáne baǵyttarmen tolyqtyrý qajet ekenin aıtqan bolatyn. Bul – árıne, elimizdiń rýhanıatyna, sonyń ishinde ádebıeti men mádenıetine jasalǵan úlken qamqorlyq. Sol sebepti de Elbasynyń usynystaryn aqyn-jazýshylar qyzý qoldap otyr. Sondyqtan Joldaýda kórsetilgen mindetterdiń mańyzyn halyqqa túsindirý jumystarynan olar da tys qalmaıdy dep senemiz.

Jalpy sońǵy aılarda «Nur Otan» partıasy óz qyzmetin jańǵyrtý aıasynda kóptegen jańa jobalardy qolǵa alyp, júzege asyrý jumystaryn júıeli túrde júrgizip keledi. Sonyń ishinde Elbasynyń «Rýhanı jańǵyrý» baǵdarlamasy boıynsha da birqatar bastamalarymyz bar. Endi sol jumystarymyzǵa aqyn-jazýshylardy qoldaýǵa baǵyttalǵan tórt birdeı joba qosylyp otyr.

Atap aıtqanda, partıa jas aqyn-jazýshylarymyzdy yntalandyrý maqsatynda «Rýhanı jańǵyrý» baǵdarlamasy aıasynda ádebı baıqaý ótkizbek. Sonyń nátıjesinde 5 nomınasıa boıynsha 15 qatysýshyǵa júlde tapsyrýdy kózdep otyrmyz. Sondaı-aq Jazýshylar odaǵymen birlesip «Astana» telearnasynan kórsetiletin arnaıy telebaǵdarlama daıyndaý isin qolǵa almaqpyz. Bul telejoba formaty men mazmuny jaǵynan aqyn-jazýshylarymyzdyń zamanǵa laıyq jańa minberi bolmaq. Úshinshi joba – YouTube-te arnaıy kanal ashyp, kórermenderge ıdeologıalyq, tárbıelik sıpattaǵy kórkem dúnıeler usyný. Al tórtinshi joba partıalyq bastamalar aıasynda qaıta jańǵyrtylǵan kitaphanalarda aqyn-jazýshylarmen kezdesýler, túrli shyǵarmashylyq keshter ótkizetin arnaıy klýbtar qurý. Munyń barlyǵy rýhanı jańǵyrýdyń qundylyqtaryn dáriptep, eldi ortaq múddege uıytýǵa baǵyttalǵan bastamalar. Olardy júzege asyrý kezinde búgingi basqosýda aıtylǵan pikirlerdiń eskeriletinin atap ótken jón.

Búgin osy jobalardy birlesip júzege asyrý úshin jáne ári qaraı da qoıan-qoltyq jumys isteý maqsatynda «Nur Otan» partıasy men Jazýshylar odaǵy arasyndaǵy ózara yntymaqtastyq týraly memorandýmǵa qol qoıdyq. Bul qujatty Elbasynyń zıaly qaýymǵa, jalpy qazaq ádebıetine kórsetip otyrǵan qoldaýynyń naqty nátıjesi dep qabyldaýymyzǵa ábden bolady. Sondyqtan barsha jas aqyn-jazýshylarymyzdy osyndaı múmkindikterdi múlt jibermeı, atalǵan jobalardy júzege asyrýǵa belsendi túrde qatysýǵa shaqyramyn" deıdi «Nur Otan» partıasy Tóra­ǵasynyń Birinshi orynbasary Máýlen Áshimbaev.