Mekteptiń jeke quramymen Elbasy Nursultan Ábishuly Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» jyl saıynǵy joldaýyn talqylaý boıynsha Qazaqstan Respýblıkasynyń Tuńǵysh Prezıdenti —Elbasy kitaphanasynyń ǵylymı qyzmetkeri, fılosofıa ǵylymdarynyń doktory, profesor Telebaev Ǵazız Turysbekulymen kezdesý ótti.

Kezdesý barysynda Ǵazız Turysbekuly eń birinshi bıylǵy joldaýdyń qazan aıynda jaryqqa shyǵý sebebi joldaýda kórsetilgen nusqaýlardyń kelesi jańa jylǵa deıin josparyn jasap, olardy sheshý joldaryn qarastyrýǵa ýaqyt bolý kerektigin aıtyp túsindirdi.

Ári qaraı bul joldaý – elimizdi odan ári gúldendire berýdiń, el turmysyn jaqsarta túsýdiń aıqyn da jarqyn uzaq merzimdi baǵdarlamasy ekenin aıta kelip, muǵalim mártebesi týraly zań qabyldaý, medısına salasy qyzmetkerleriniń jalaqysyn kóterý, memlekettik qyzmet pen quqyq qorǵaý salasynyń jumysyn jetildirý sekildi tolǵaqty máselelerdiń túıinin Elbasynyń ashyp kórsetkenin aıtty. Qalaı bolǵanda da qarapaıym halyqtyń bir serpilip qalǵany anyq.. Erekshe qýantatyny, ol – birinshiden, jalaqy kóterý, bul endi ekonomıkalyq jaǵynan óte mańyzdy. Al ekinshisi, menińshe asa erekshe mán beretin tus — ol 2019 jyldan bastap «Pedagogtar mártebesi» týraly arnaıy Zańnyń qabyldanatyndyǵy. Shynymen de, qoǵamdy alǵa baǵyttap tárbıeleıtin — ustazdar. Sonymen birge Memleket basshysynyń 2019 jyldy "Jastar jyly" dep jarıalaýy asa qýantarlyq jaǵdaı ekeni anyq. Osy arqyly ol óziniń jastarǵa úlken senim artatynyn kórsetip otyr - dep túsindirdi Ǵazız Turysbekuly.

Ult kóshbasshysy N.Á.Nazarbaev usynǵan túrli salalardaǵy máselerdi sheshý joldaryn jas ulandyqtar qoldaıdy! El bolashaǵy úshin eńbek etý – árkimniń mindeti. Biz Elbasymyzdyń jastarǵa artqan úmitin aqtaýǵa daıynbyz!

Mundaı kezdesý – jas urpaq ómirindegi mańyzdy tárbıelik sát. Sol sıaqty eldiń qazirgi jaǵdaıy kórsetilgen, aldaǵy mindetter aıqyndalǵan joldaýdy talqylaý bizdiń eldiń barlyq azamattary úshin mańyzdy ekeni anyq.