Ádette zańdar adamdardyń ómirin retteý úshin, belgili bir tártip ornatý úshin jazylady. Alaıda álemdegi zańdardyń ishinde kúlkili ári aqylǵa qonymsyz zańdar da bar. Qamshy.kz aqparat agenttigi álemdegi aqylǵa qonymsyz 10 zańdy oqyrman nazaryna usynady.
Qarmen oınaýǵa tyıym salynǵan
Arızon shtaty men Topıka qalasynda qarmen oınaýǵa qatań tyıym salynǵan. Bılik ókilderi bul agressıvti ári qaýipti oıyn dep esepteıdi. Sol sebepti qar jaýǵan kúnderi kóshede polısıa qyzmetkerleri qaptap ketedi. Olar zań buzǵandarǵa aıyppul tóletkizip, eskertý jasaıdy.
Netflix-tiń qupıa sózin aıtýǵa bolmaıdy
2011 jyly Tennesı shtatynyń gýbernatory Netflix-tiń qupıa sózin týǵan-týystan basqa adamdarǵa berýge tyıym salyp, zań júzinde bekitti. Sondaı-aq bul zańdy buzý urlyq jasaýmen teń dep esepteledi.
Netflix — qyzyqty fılmderdi túsirip, keıin jelige júkteıtin álemdegi iri kompanıalardyń biri. Kompanıanyń basty ereksheligi jáne óz kórermenderine degen taǵy bir tartymdy qyzmeti — premera kúninde barlyq serıany jelige birden salýy.
Netflix — qyzyqty fılmderdi túsirip, keıin jelige júkteıtin álemdegi iri kompanıalardyń biri. Kompanıanyń basty ereksheligi jáne óz kórermenderine degen taǵy bir tartymdy qyzmeti — premera kúninde barlyq serıany jelige birden salýy.
Qar adamyn atpańyz!
Vashıngton shtatyndaǵy Skaımenıa aýdanynda qar adamyn atý bylaı tursyn, oǵan qarý kezenýdiń ózi qylmys bolyp sanalady. AQSH elinde qar adamyn kezdestirseńiz, qashyńyz, biraq oq atpańyz.
Jańbyr sýyn paıdalaný — qylmys
AQSH-tyń keıbir shtattarynda jańbyr sýyn jınaý zańsyz áreket bolyp sanalady. Iýta, Kolorado jáne Vashıngton shtatynda turmysta qoldaný úshin jańbyr sýyn paıdalanýǵa qatań tyıym salynǵan. Bıliktiń aıtýy boıynsha, jańbyr bireýge tıesili, al jańbyr sýyn jınaý urlyqqa para-par.
Tuzdalǵan jáne marınadtalǵan qıarlardy satýǵa shekteý qoıylǵan
Kannektıkýte shtatynda tuzdalǵan jáne marınadtalǵan qıarlardy satýǵa shekteý qoıylǵan. Tipti, saýda-oryndarynda arnaıy qıarlardy tekseretin mamandar da bar eken.
Altyn balyqty akvarıýımde ustaýǵa tyıym salynady
2004 jyly Italıadaǵy Monza qalasynda altyn balyqty akvarıýmde ustaýǵa tyıym salynǵan. Bıliktiń sózine súıensek, akvarıýmdegi balyqtar álemdegi jaıttardan habarsyz bolyp oqshaýlanady.
Balalarǵa mán-maǵynasyz esim qoıýǵa shekteý qoıylǵan
Danıa bıligi at qoıýǵa qatań mán berip otyr. Balaǵa erekshe, kúlkili jáne dinı esimderdi qoıýǵa tyıym salǵan. Tipti ata-analarǵa qıyndyq týdyrmas úshin bılik ruqsat etilgen 7000 esimniń tizimin jasaǵan.
Bıik óksheli aıaq kıimge shekteý qoıylǵan
Kalıfornıa shtatynyń Karmel qalasynda áıelderge bıik óksheli aıaq kıimder kıýge bolmaıdy. Tek 5 sm-den aspaıtyn aıaq kıimder kıýge ruqsat etilgen.
Usaq tıyn bermeńiz!
Kanadada qaıtarym aqshany usaqtap berýge tyıym salynǵan. Sonymen birge tıyndardy qaıta jasap qalpyna keltirgen adamdar memleket tarapynan qatań jazalanady.
Semiz bıznesmender jazalanady
Japonıada artyq salmaq úlken problemaǵa aınalyp barady. Osyǵan qatysty 2008 jyly zań qabyldandy. Barlyq kompanıalar jyl saıyn qyzmetkerleriniń dene bitimin qadaǵalap otyrýy tıis. Sonymen birge semiz bıznesmender jazalanady.
