Táýelsizdik kúni qarsańynda Aqtóbe qalasynyń Almaty aýdanynda jańa sot ashyldy.
Sharaǵa Aqtóbe oblysynyń ákimi Berdibek Saparbaev, Joǵarǵy sot janyndaǵy sottardyń qyzmetin qamtamasyz etý departamenti basshysynyń orynbasary Qaırat Elibaev, sonymen qatar, memlekettik jáne quqyqqorǵaý organdarynyń basshylary, ardagerler men sot júıesiniń qyzmetkerleri qatysty.
Jańa sottyń aıryqsha ereksheligi – onda azamattarǵa yńǵaıly bolý úshin óz ózderine qyzmet kórsetý aımaǵy men aqparat ortalyǵy, medıatorlardyń, qorǵaýshylar men notarıýstardyń, kabınetteri jumys jasaıtyn óńirdegi birinshi front-keńse ashyldy. Eki qabaty zamanaýı ǵımarat halyq leginiń kóptigin eskere otyra jobalanǵan. Múmkindigi shekteýli jandarǵa arnaıy jaǵdaılar jasalǵan. Osyndaǵy barlyq alty zal da aýdıo-beıne jazba júıesimen jabdyqtalǵan.
Ǵımarattyń materıaldyq-tehnıkalyq jaraqtanýyn qarap shyqqan Berdibek Saparbaev sondaı-aq, elektrondy sot isi men «smart sot» pılottyq jobasynyń jumysymen tanysty.
* Sapaly sot tóreligi úshin jaǵdaı jasaý – Elbasynyń mańyzdy basymdyqtarynyń biri. Bul ǵımaratta qyzmetkerler yńǵaıly jumys isteýleri úshin jáne kelýshilerge barlyq jaǵdaı bar. Basty mindet – sot tóreligin atqarý kezinde zańdylyqty, ashyqtyq pen aıqyndyqty qamtamasyz etip, azamattarmen jumys kezinde búrokratıa men áýre-sarsańdy barynsha boldyrmaý,-dep atap ótti oblys ákimi sottarmen jáne sot qyzmetkerlerimen áńgime kezinde.
Óńir basshysy jınalǵandardy QR Táýelsizdigi kúnimen quttyqtap, halyqtyń sottarǵa degen senimderiniń artýyn tiledi.
