Aqtóbe oblysynyń bıligi órtten zardap shekken Qos-Estek aýylynyń turǵyndaryna kómek kórsetýde.
Jaqynda Aqtóbe oblysynyń Qarǵaly aýdanyna qarasty Qos-Estek aýylynda jeke sharýashylyqtarǵa qarasty shóptiń janýyna baılanysty jeti órt jaǵdaıy tirkelgen bolatyn.
Barlyq faktiler boıynsha qylmystyq ister qozǵaldy sondaı-aq, olardy tergeýmen arnaıy tergeý toby aınalysady. Aıta keteıik, top quramyna Aqtóbe oblysynyń prokýratýra jáne polısıa departamentiniń qyzmetkerleri kirdi.
Zardap shekkenderge naqty kómek kórsetý úshin jáne keltirilgen zalaldy baǵalaý maqsatynda quramyna aýdandyq máslıhattyń, "Nur Otan" partıasy fılıalynyń, sondaı-aq jergilikti bılik ókilderi kiretin komısıa quryldy. Komısıa quramy órtten zardap shekkendermen kezdesip, ár otbasyǵa kómek retinde 100 myń teńgeden tabys etti. Sonymen qatar, zardap shekken otbasylar demeýshilik qarajat esebinen tolyqtaı jem-shóppen qamtamasyz etiledi. Qazirgi ýaqytta aýylda 50 polısıa qyzmetkeri men TJ bólimi jáne jergilikti turǵyndardyń kúshimen táýlik boıyna kezekshilik uıymdastyrylyp otyr. Búgingi kúni Qos-Estek aýyldyq okrýgindegi jaǵdaı turaqty. Órtke qatysty másele oblys basshylyǵynyń baqylaýyna alyndy. Sonymen qatar, jergilikti atqarýshy organdar men polısıa qyzmetkerleri qylmysty ashýǵa baǵyttalǵan sharalar keshenin júrgizýde.
