Jýrnalıs Mádı Manatbek «Otandastar» AQ vıse-prezıdenti bolyp taǵaıyndaldy. Bul týraly zańger Abzal Quspan Facebook-tegi jeke paraqshasynda jazdy.
«Dosymyz Mádı Manatbekti "Otandastar" AQ vıse-prezıdenti qyzmetine taǵaıyndalýymen "qyzý" quttyqtaımyn! Oralman baýyrlardyń máselesin sheshýde sheshýshi ról atqarýǵa qaýqarly bul mekemede "óz adamymyz" bolǵany biz úshin óte mańyzdy! QUTTYQTAIMYZ!», - dep jazdy zańger paraqshasynda.
Mádı Manatbek 1978 jyly 25 mamyrda dúnıege kelgen. 2006 jyly Kókshetaý ýnıversıtetinde zańger mamandyǵyn meńgergen. Eńbek jolyn 1998 jyly respýblıkalyq «Nartáýekel» gazetinde tilshilik qyzmetten bastaǵan. Eńbek joly 1999 jyly qalalyq «Shymkent kelbeti» gazetinde jalǵasty. 2000 jyldan bastap «Otyrar» telearnasynda jańalyqtar júrgizýshisi, tańǵy «Nurly araı», sporttyq «Topjarǵan», qylmystyq «Ekstrennyı vyzov» baǵdarlamalarynyń avtory ári júrgizýshisi boldy.
2001-2006 jyldary «Astana» telearnasynda jańalyqtar júrgizýshisi, aptalyq aqparattyq-saraptamalyq «Úsh shırek», «Ashyq áńgime», sporttyq «Topjarǵan», qylmystyq «Oqıǵa izimen» baǵdarlamalarynyń avtory ári júrgizýshisi jáne baǵdarlamalar óndirisi qyzmetiniń jetekshisi boldy.
2006 jyly «31 arna» Astana qosynynyń tilshisi, 2007 jyly «MARMILAT» jarnama agenttiginiń dırektory. 2008 jyly «Habar» Agenttigi» AQ jańalyqtar qyzmetiniń júrgizýshisi. 2010-2013 jyl aralyǵynda «Qazaqstan» RTRK» AQ aptalyq aqparattyq-saraptamalyq «Apta.kz» baǵdarlamasynyń júrgizýshisi; qoǵamdyq-saıası baǵdarlamalar bóliminiń jetekshisi, «Qazaqstan» RTRK» AQ Basqarma tóraǵasynyń orynbasary qyzmetterin atqardy.
2013 -2017 jyldary «BAQORDA media group» JSHS Bas dırektory.
2017 jyldyń aqpanynan 2018 jyldyń qyrkúıegine deıin «Respýblıkalyq radıo» JSHS bas dırektory boldy.
