Bul týraly  «Nur Otan» partıasy Ortalyq apparatynyń basshysy Mádı Ospanov «Solnechnyı mır» Daýn sındromy bar balalarǵa tegin ońaltý jáne psıhologıalyq kómek kórsetý ortalyǵyndaǵy búldirshinderdi merekemen quttyqtaý barysynda málimdedi.

Búgin «Nur Otan» partıasynyń «Kedergisiz keleshek» partıalyq jobasy aıasynda astanalyq "Solnechnyı mır" ońaltý ortalyǵynda erekshe qajettilikteri bar balalarǵa arnalǵan jańa jyldyq erteńgilik ótti.

«Solnechnyı mır» ortalyǵy Daýn sındromy bar balalarǵa tegin ońaltý jáne psıhologıalyq kómek kórsetý, sondaı-aq osy mentaldy kemshilikteri bar balalardy tárbıeleýde ata-analarǵa tegin keńes jáne ádistemelik kómek kórsetedi. 2016 jyldyń qarasha aıynan bastap onyń qyzmetkerleri Daýn sındromy bar 240-tan astam balaǵa kómektesti.

Balalardy merekemen quttyqtaý barysyda «Nur Otan» partıasy Ortalyq apparatynyń basshysy Mádı Ospanov «Nur Otan» partıasy búginde «Kedergisiz keleshek» jobasy aıasynda ınklúzıvti bilim berýdi damytýǵa, múmkindigi shekteýli jandar úshin «kedergisiz aımaq» qurýǵa belsendi atsalysatynyn atap ótti.

Budan basqa, Mádı Ospanov erekshe qajettilikteri bar adamdardy jumysqa ornalastyrý boıynsha jumystar júrgizilýde ekenin aıtty. Qazir  Qazaqstanda 400 myńǵa jýyq kembaǵal jan jumys izdeýde dep málimdedi.

- Múmkindigi shekteýli 120 myń adam ǵana jumysqa ornalasty. Osy 4 jyl ishinde «Nur Otan» partıasynyń bos jumys oryndary jármeńkesiniń arqasynda 34 500 qazaqstandyq jumysqa ornalasty, - dedi ol.

Sonymen qatar, «Nur Otan» partıasy Ortalyq apparatynyń basshysy elimizdiń basty saıası kúshi retinde múmkindigi shekteýli adamdardyń quqyqtaryn júzege asyrý salasyndaǵy zańnamany jetildirý baǵytynda jumys istep jatqandyǵyn atap ótti. Bul úshin partıa uıymynyń bazasynda arnaıy alań qurylǵan. Onda barlyq ÚEU ózekti máselelerdi talqylaýǵa jáne sheshýge qatysa alady.

Sońynda Mádı Ospanov erekshe qajettilikteri bar 30 bala men jasóspirimderge syılyqtar tabystady. Sonymen qatar, «Nur Otan» partıasy «Solnechnyı mır» ortalyǵyna 1 mıllıon teńge kóleminde materıaldyq kómek kórsetti.

Sondaı-aq, partıa tarapynan «Kedergisiz keleshek» partıalyq jobasy aıasynda Astana qalasynyń komýnaldyq qory ǵımarattarynyń birinde Ortalyq úshin ǵımarat berý múmkindigin qarastyrý týraly Astana qalasynyń ákimine hat joldandy. Qazirgi ýaqytta ákimdik bul máseleni sheshýde.

Aıta keteıik, osyndaı aksıalar búgin búkil el boıynsha ótti – partıa fılıaldary, "Nur Otan" partıasynyń iri bastaýysh uıymdary joba aıasynda erekshe qajettilikteri bar balalarǵa, jetim balalarǵa jáne kóp balaly otbasylardyń balalaryna syılyqtar tartý etti.