Almatyda Denıs Tenniń ólimi boıynsha qylmystyq iske qatysty ótip jatqan sot otyrysynda jábirlenýshi taraptyń advokaty isti qosymsha tergeýge jiberýdi surady, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. Sotta jábirlenýshi tarap sportshynyń tapsyryspen óltirilgenin aıtty.
Tenniń otbasynyń qorǵaýshysy Nurlan Óstemirov sottan isti qosymsha tergeýge jiberýdi surady. Jábirlenýshi tarap iske qatysty prosesýaldyq buzýshylyqtar bar jáne qylmys tapsyryspen jasaldy dep esepteıdi.
"Biz qylmystyń sybaılastaryn anyqtaý úshin isti prokýrorǵa qosymsha tergeýge jiberýdi suraımyz. 39 tomdy qamtyǵan is materıaldarymen tanysý barysynda, jalpy sany 14 úılespeýshilikti anyqtadyq, olar munyń tapsyrys boıynsha jasalǵan qylmys ekenin kórsetedi. Kómekshiler men arandatýshylardy jaýapqa tartý kerek. Biz keltirip otyrǵan dálelderge kóńil bólinbeı otyr", — dedi Óstemirov.
Oksana Ten bul pikirmen tolyqtaı kelisetinin aıtty.
Al aıyptaýshylar Oksana Tenniń qorǵaýshysynyń aryzynyń qaıtarylǵanyn aıtty. Qudaıbergen men Qıasovtyń qorǵaýshylary isti qaıta qaraýǵa negiz joq ekenin jetkizdi.
