UFC-diń burynǵy chempıony Kolbı Kovıngton tikeleı efırde Habıb Nurmaǵamedovti malǵa teńep, balaǵattady dep jazady Qamshy.kz aqparat agenttigi gazeta.ru saıtynyń deregin negizge alyp. "MMA saǵaty" atty sheteldik baǵdarlamanyń tikeleı efırinde Kovıngton reseılik chempıonǵa til tıgizip, qazirgi sporttyń shoýǵa aınalyp ketkenine ashýly ekenin jetkizdi. 

♦Habıb jankúıerlerin súıinshi jańalyǵymen qýantty (vıdeo)

"Oktogonnan tys daý-damaılar sportqa ásirese MMA-ge keri áserin tıgizýi múmkin be?  Árıne, keri áserin tıgizbeı qoımaıdy. Bıylǵy jyly bolǵan UFC-degi jekpe-jekti eske túsirip kóreıikshi. Mal sekildi oktogonnan sekirgen Habıb kinásiz adamdardyń ómirine qaýip tóndirdi. Onyń bul is-áreketinen sporttyń qanshalyqty tómen deńgeıge túsip ketkenin baıqaı alamyz. Biraq qazir barlyǵyn satyp alýǵa, satýǵa bolady. Men jekpe-jekke shyqqan kezde barlyq UFC jankúıerleri shoý emes, naǵyz jekpe-jek kórýge keledi. Barlyq sportshylar shoý jasaýǵa qumar. Biraq shekten shyǵýǵa bolmaıdy", - deıdi Kolbı Kovıngton. 

♦Habıb jekpe-jek kezinde ne úshin Reseıdiń týyn alyp shyqpaıtynyn túsindirdi

Eske salsaq, daǵystandyq Habıb Nurmaǵamedov tórtinshi raýndta Konordy tunshyqtyrý tásilimen jeńgen bolatyn. Muny kútpegen jankúıerler kenetten shýlaı jónelip, Konordyń komandasyndaǵy Dıllona Danıs pen Habıb Nurmaǵamedovtiń arasynda tóbeles bastaldy. Keıin Konor men Habıbtiń komandasyndaǵy jas sportshy Zýbaıra Týhýgovtyń arasynda da kıkiljiń bastalyp, sońy tóbeleske ulasty. Tóbeleske aralasqandardyń qatarynda Ábýbákir Nurmaǵamedov pen Esedýlla Emırgaev ta bolǵan.