Ótken dúısenbi ıaǵnı 7- qańtardan bastap Japonıaǵa sapar shegip, ushaq nemese keme arqyly saparyn aıaqtap, óz eline oralǵysy keletin kez kelgen týrısten endi jańa salyq túri alynady. Bul tártip kez kelgen memlekettiń azamatyna qatysty. Bylaısha aıtqanda, Japonıaǵa kirý tegin, al shyǵý 1000 ıen (10 dollardyń kólemindeı).

Japonıanyń Qarjy mınıstrliginiń málimdemesi mynandaı: "Týrızm ınfraqurylymyn barynsha nyǵaıtý, damytý jolynda elimizden ketetin ár týrıs myń ıen tóleýge mindetti».

Salyqtan túsken aqsha Japonıanyń halyqaralyq aeroporttarynyń jumysyn jedeldetýge, jaqsartýǵa jumsalady eken. Anyǵyn aıtqanda, adamnyń bet-júzine qarap, aty-jónin avtomatty túrde anyqtaıtyn júıe iske qosylmaq. Sonymen qatar, týrıserge jasalatyn jaǵdaı, beriletin aqparattyń da sapasy artpaq.

7 qańtarǵa deıin Japonıaǵa baryp-qaıtýǵa bılet satyp alǵan azamattar bul salyqtan bosatylyp otyr.