Aǵymdaǵy jyldyń 5-6 qańtarynda QR Qarýly kúshteriniń arnaıy jasaǵy «Jýsan» operasıasyn ótkizdi. Bul jaıynda búgin Elbasy óz málimdemesinde aıtyp berdi.

Arnaıy jasaq kúshteri 5-6 qańtar kúni Sırıadaǵy 47 otandasymyzdy qutqaryp, elge alyp keldi. Onyń 30-y kishkentaı balalar. Qutqarý operasıasy qalaı júrgizildi?

Áskerı kúshter 5 qańtar kúni Aqtaý halyqaralyq áýejaıynan ushyp shyqqan. Ózderimen birge gýmanıtarlyq kómek alyp, kerek-jaraq zattar men tamaq, balalarǵa arnalǵan oıynshyqtar alyp bardy.

Evakýasıalaý ornyna 5 qańtar kúni saǵat 15:45-te jetken. Áıelder men balalardy ushaqqa otyrǵyzyp, olardyń jaıly ushyp kelýin qamtamasyz etti. Vıdeoda kórsetilgendeı, keıbir er adamdardy ushaqqa kózderin baılap alyp kelip otyrǵyzǵan.

Otandastarymyz mingen bort Aqtaýǵa 6 qańtar kúni túngi 2 shamasynda qonǵan.

Aıta keteıik, 6 qańtar kúni gýmanıtarlyq operasıa nátıjesinde quqyq qorǵaý organdary men QR Syrtqy ister mınıstrligi birlese otyryp 47 otandasymyzdy Sırıadan elge qaıtardy.