Dımash erekshe únimen álemdi ózine qaratqany belgili. Dımashtyń jankúıerleri onyń qarapaıymdylyǵy men tárbıeliligin de joǵary baǵalaıdy. Al onyń daýysy týraly sheteldik tyńdarmandarmen birge, kásibı biliktiligi joǵary mamandar da pikir bildirip, tańǵalysyn jasyra almady. Osyǵan deıin tanymal kompazıtor Igor Krýtoı "Dımashtyń daýysynda tylsym kúsh bar", — dep pikir bildirgen belgili. Keıin araǵa biraz ýaqyt salyp sheteldik mamandar da Dımashtyń daýsyn zertteı bastady. Olardyń qatarynda AQSH-ta vokaldan sabaq beretin muǵalim, kásibı maman Merı Sımmer de bar. Ol óziniń Youtube jelisinde "Dımashtyń erekshe daýsynyń qudyreti nede ekenin aıtty" dep jazady Qamshy.kz aqparat agenttigi.
♦Dımash Olımpııskııdi aýzyna qaratty (vıdeo)
Sımmer Youtube arnasynda talantty ánshilerdiń vokaldyq qabileti týraly pikir bildirdi. Ol osyǵan deıin Dımashtyń shyǵarmashylyǵymen tanys bolmaǵan. Kóptegen kórermenderdiń suraýynan keıin ǵana Dımashtyń shyǵarmashylyǵyn zertteı bastaǵan. Dımashtyń shyǵarmashylyǵy Sımmer úshin naǵyz jańalyq boldy.
"Dımash dıapazonynyń keńdigimen qatar, sózben aıtyp jetkizýge kelmeıtin erekshe únimen álemdi tańǵaldyrdy. Onyń adam sengisiz qasıeti de osynda. Sondaı-aq án aıtý barysynda Dımash neshe túrli oryndaý stılin biriktirip, úılestire alatyn kásibı sheberlikke ıe",— dedi Qytaıda ótken "I am a Singer" shoýyndaǵy Dımashtyń ónerin kórgen Sımmer.
♦Ataqty "Tıtanıkti" oryndaǵan Dımash sahnany jardy (vıdeo)
Bloger Dımashtyń erekshe úni týraly tańǵalysyn jalǵastyrdy. Dımashtyń eń joǵary notasy D8 (re notasy segizinshi oktava) bolsa, al tómengisi ekinshi oktavaly sı notasy ekenin aıtty. Naqtyraq aıtqanda, qazaq ánshisi 6 oktavalyq aralyqty ıgerip, án aıta alatynyn aıtqan bloger óz tańdanysyn jasyra almady.
"10 jyldyń ishinde meniń aldymnan ótken kóptegen shákirtter boldy. Olardyń birde-bireýi 5 oktavany da ıgere almaǵan edi. Tipti tanymal, kásibı ánshilerdiń ózi 2-3 oktavaly ánderdi ǵana aıtýǵa shama-sharqy jetedi. Máselen, meniki kóptegen áıelderge tán kelmeıtin tómengi notadan bastaý alatyn 3 oktavaly daýys",— deıdi Sımmer.
♦Dımash qazaq tilinde án aıtyp, qytaılyqtardy taǵy da tánti etti (vıdeo)
"Dımash teńdesi joq talantty ánshi. Sebebi, onyń daýsy ne tenor, ne barıton, ne soprano emes. Ol munyń kez kelgenin aıtýǵa qaýqary jetedi. Negizinde adam neǵurlym joǵary notalardy aıta alatyn bolsa, onyń daýysynyń jıiligi soǵurlym tómen bolady. Osyǵan qatysty úsh negizgi parametri bar: jińishkelik, uzyndyq jáne keńdik.
Dımash adam sengisiz vokaldyq qabiletke ıe. Onyń daýsy jińishke ári keń. Ol sonysymen de erekshelenedi.
Sondaı-aq Dımashtyń talantyn jaı ǵana tabıǵattyń bergen syıy dep qabyldaýǵa bolmaıdy. Ol uzaq jyl boıy klasıkalyq jaǵynan da, zamanaýılyq turǵydan da sabaq alǵan. Bul birneshe jyldyq oqý men eńbektiń jemisi. Sen talantty bolyp dúnıege kelýiń múmkin, alaıda eńbeksiz eshqandaı nátıjege jete almaısyń, Óz daýsyn Dımash sekildi baqylaý úshin óte eńbekqor bolý qajet. Al biz tek qana onyń talmaı eńbektengenin, tókken teriniń nátıjesin baqylap, súısinip otyra alamyz",— dep sózin aıaqtady Merı Sımmer.
