Jańaózende 13 qańtardyń keshinde Toyota Camry avtokóligi órtenip, keıin jarylyp ketti dep jazady Qamshy.kz aqparat agenttigi Lada saıtynyń deregin negizge alyp. Tótenshe jańdaıǵa baılanysty Mańǵystaý oblysy TJD baspasóz qyzmeti pikir bildirdi.
Órt sóndirýshilerdiń málimeti boıynsha, jalyn 11 mınýtta sóndirilgen, alaıda keıin jarylys bolǵan.
"Avtokólik tolyǵymen janyp ketti. Órt kezinde 1987 jyly týǵan er adam zardap shekti. Órtke ne sebep bolǵany anyqtalyp jatyr", — dedi Mańǵystaý oblysy İİD baspasóz qyzmeti.
"Zardap shekken adamnyń qoldarynyń bilezigi men betin kúıik shalǵan. Onyń jaǵdaıy turaqty, Jańaózen qalalyq aýrýhanasynyń travmatologıa bóliminde jatyr", – dedi Mańǵystaý oblysy densaýlyq saqtaý basqarmasynyń baspasóz qyzmeti.
Pikir qaldyrý