-------osylaı berse aktrısanyń jeke basyna til tıgizgendeı bolamyz ba???????????keshe baıqap qalǵan edim rasymen uqsaıdy eken.

Alaıaqtyq isterge qatysy bar degen kúdikpen 30 jastaǵy áıel tutqyldaldy. Áleýmettik jelide turǵyndardy saq bolýǵa shaqyrǵan kúdiktiniń foto-sýretteri tarady. Alaıda Instagram qoldanýshylaryn kúdiktiniń alaıaqtyǵynan buryn tanymal aktrısaǵa uqsastyǵy tańdandyrǵan dep jazady Qamshy.kz aqparat agenttigi

Kúdikti áıel tez arada páter alýǵa kómektesetinin aıtyp, turǵyndarǵa aqyly qyzmet usynǵan.

"30 jastaǵy Sh.esimdi azamatsha halyqty sendirý úshin arnaıy keńse jaldaǵan. Turǵyndardan qomaqty soma talap etip, esesine tez arada Almatydan kezeksiz páter alyp berýge ýáde bergen. Osy qyzmeti úshin K.esimdi azamatshadan 2 mıllıon 900 myń teńge alǵan. Kúdiktiniń ýádesi sóz júzinde, al isi shyn máninde alaıaqtyq bolǵany belgili boldy. Halyqtyń senimin paıdalanyp, qarjysyn qaltasyna basyp júre bergen. Kúdiktige qatysty QR Qylmystyq Kodeksiniń 190-baby boıynsha sotqa deıingi tergeý isi bastaldy.Tek Áýezov aýdany boıynsha onyń 15 iske qatysy bar ekeni dáleldendi", – deıdi Áýezov aýdandyq polısıa basqarmasynyń bólim bastyǵy Dıdar Ahanov osy iske qatysty bergen málimdemesinde.

Almaty polısıasy azamattardy atalǵan kúdikti týraly aqparattan habardar bolsa, 298-53-70; 298-53-71 jáne 8 700 100 0983 nómirlerine habarlasýdy eskertedi.