Almatyda Denıs Tenniń ólimi boıynsha sot otyrysy ótip jatyr. Bul týraly Qamshy.kz aqparat agenttigi sot zalyndaǵy tengrinews.kz tilshisine silteme jasap habarlaıdy.

Sot aldyna Arman Qudaıbergenov, Nuraly Qıasov pen Janar Tolybaeva keldi. Prokýror Qýandyq Dosovtyń aıtýynsha, sot otyrysy barysynda kúdiktilerdiń kinási tolyqtaı dáleldendi.

Arman Qudaıbergenov "Urlyq" "Qaraqshylyq", "Adam óltirý" baptary boıynsha aıyptalýda. Nuraly Qıasov ta dál sol baptar boıynsha aıyptalyp jatyr ("Urlyqtan" basqa). Janar Tolybaeva "Urlyq" jáne "Qylmys týraly habarlamaý" baptary boıynsha aıyp taǵylyp otyr.

"Arman Qudaıbergenovti aıypty dep tanyp, 20 jylǵa bas bostandyǵynan aıyrýdy suraımyn, jazasyn maksımaldy qaýipsizdik mekemesinde ótesin. Nuraly Qıasov aıypty dep tanylyp, 20 jylǵa bas bostandyǵynan aıyrylsyn, jazasyn maksımaldy qaýipsizdik mekemesinde ótesin. Janar Tolybaevany aıypty dep tanyp, ony 4 jylǵa bas bostandyǵynan aıyrýdy suraımyn", - dedi prokýror Dosov.

♦Denıs Tenniń ólimi: Kýáger eki polıseı oqıǵanyń qalaı bolǵanyn baıandady

Denıs Tendi kim óltirgeni belgili boldy

Eske salaıyq, byltyr 19 shildede Almatyda belgisiz bireýler Denıs Tendi pyshaqtap ketkeni belgili.  Oqıǵa shamamen 15.00-de Qurmanǵazy men Baıseıitova kósheleriniń qıylysynda bolǵan. Keıin qalalyq İİD ókilderi Denıs Tenge avtourylar shabýyl jasaǵanyn málim etti. Sóıtsek, sportshy urylardyń qylmysy ústinen túsken bolyp shyqty. Janjal kezinde sportshynyń aıaǵyna pyshaq tıip, kóp qan joǵaltqan. Ol aýrýhanada kóz jumdy. 

♦"Denıs Tendi tapsyryspen óltirgen bolýy múmkin"

♦"Denıs Ten pyshaqtan qoryqqan joq": Qylmysker sportshyny qalaı óltirgenin aıtyp berdi

Keıinirek Qurmanǵazy men Baıseıitova kósheleriniń qıylysynda dańqty mánerlep syrǵanaýshy Denıs Tenniń qurmetine eskertkish ornatylatyny habarlanǵan edi. Sondaı-aq, oǵan "Halyq qaharmany" ataǵyn berý usynylǵan bolatyn.

♦Oksana Ten: Janar Tolybaeva Denıs ólgen kúnge deıin Eýropamen baılanysta bolǵan

Usynǵan: Gúlim Jaqan