Elbasy bıylǵy jyldy Jastar jyly dep jarıalaǵany olardyń jan-dúnıesinde rýhanı silkinis týdyrdy. Bıylǵy Jastar jyly qoǵamda olardyń aýyzbirshiligi men yntymaǵyn eselep arttyra túsetini anyq. Qazirgi kezde jastarǵa kóp kóńil bólinedi, kóp kómek kórsetiledi. Stýdentterge jataqhanalardyń salynýy, jastardyń jumyssyzdyq máselesin sheshýge baılanysty irgeli is-sharalardyń ótkizilýi sózimizge naqty dálel bola alady. Jastarǵa jasalyp jatqan jaǵdaılardyń barlyǵy olardyń jańa jetistikke jetýine jańa jol ashady.

Munyń barlyǵy bizge berilgen úlken múmkindikterdiń bastamasy ispetti. Elbasynyń árqashan jastarǵa qamqorlyqpen qarap, olardy qoldaýy jas urpaqty uly maqsattarǵa jeteleıdi. Egemen elimizdiń bolashaǵy - jastardyń qolynda. Qazirgi aqyldy tehnologıalar zamanynda tyń oılar bilimimen bıikterdi baǵyndyryp júrgen jastardan shyǵyp jatyr.

Sondyqtan Jastar jylynda jas urpaqqa jan-jaqty qoldaý jasalyp, kómek kórsetilý qajet. Qazaq halqynda «Jas kelse, iske» degen danalyq bar. Men qazir bastaýysh synypta oqytý pedagogıkasy men ádistemesi mamandyǵy boıynsha bilim alyp júrmin. Bolashaqta ulaǵatty ustazdar qataryna qosylyp, týǵan elime qyzmet etkim keledi.

«Tárbıe - tal besikten bastalady» demekshi, 1-synyptan 4-synypqa deıin balalardy oqytyp, bilimge baýlyp, týǵan elin súıetin, týǵan jerin gúldendiretin, eliniń erteńin oılaıtyn ultjandy urpaq tárbıeleýge ózimniń úlesimdi qosqym keledi.

Aıaýlym Manaqbaı

Abaı atyndaǵy QazUPÝ-diń

1-kýrs stýdenti