Almaly aýdandyq prokýratýrasy Almatyda ótken jyldyń 29 jeltoqsanynda bolǵan jantúrshigerlik jol apatyna kináli dep tanylǵan Kar Ilástyń isin sotqa jiberdi. Bul jaıynda aýdandyq prokýratýra saıtynda málim boldy, dep jazady Qamshy.kz aqparat agenttigi.

«Ol jol erejesin buzyp, baıqaýsyzda bolǵan jol apatynyń saldarynan úsh adam qaza tapqan, sondaı-aq oqıǵa ornyna dereý izin sýytqany úshin aıypty dep tanyldy», - delingen habarlamada.

Esterińizge sala keteıik, 29 jeltoqsan kúni Abaı jáne Seıfýllın kósheleriniń qıylysynda úsh adamnyń ómirin jalmaǵan jantúrshigerlik jol apaty oryn alǵan bolatyn. Apattyń saldarynan aktrısa Aızada Satybaldıeva aýyr kúıde aýrýhanaǵa jetkizildi. Gelendwagen  júrgizýshisi 120km/saǵ jyldamdyqpen júrip kelip Mitsubishi markaly jeńil kólikti soqqan. Oqıǵa ornyna dereý izin sýytqan dúngen azamaty kelesi kúni qolǵa túsken bolatyn. Tergeý jumystary nátıjesinde, onyń Grand opera klýbynan shyǵyp, mas kúıinde kólik júrgizgeni belgili boldy.

Usynǵan: Nazerke Labıhan