Qazaqstan armıasy ǵalamnyń eń myqty áskerı Qarýly kúshteriniń qatarynda 136 eldiń ishinde Sırıadan keıin 50-orynda tur, dep jazady Qamshy.kz aqparat agenttigi. Atalmysh tizimniń deregi globalfirepower.com saıtynda jarıalanǵan.

Álemdik reıtıńte 50-orynǵa taban tiregen otandyq áskerdiń qýaty birshama elderden tómen tursa da, bul derek sońǵy jyldary Qazaqstan qarýly kúshteriniń turaqty damyp kele jatqandyǵyn kórsetedi. Keıingi jyldary 5 orynǵa  joǵary kóterilip, alǵashqy elýlikke kirgen.

Aldaǵy ýaqytta Qazaqstannyń qorǵanys salasyna bólinetin qarjy kólemin ulǵaıtpaq nıette.

Naqty aıtar bolsaq, Qazaqstannyń ekonomıkalyq áleýeti áskerı shyǵyndarǵa aıtarlyqtaı qarjy bólýge múmkindik beredi: qarý-jaraqpen jabdyqtaý jáne áskerlerdiń kúshin nyǵaıtý, áskerı tehnıkalardy jańartý, orta merzimdi ýaqytta Qarýly kúshterdi damytý.

Atap ótetin bir jaıt, bul rette, respýblıka postkeńestik dáýirden keıingi ótpeli kezeńnen sátti ótip, sońǵy tórt jyl ishinde qorǵanys salasyna bólinetin qarjy kólemin ulǵaıtqan.

Qazaqstannyń búgingi Qarýly kúshteriniń búdjeti 2,43 mıllıard dollardy quraıdy jáne álemdik reıtıńte kórshiles Ázirbaıjan (53-orynda), Aýǵanstan (71 orynda) áskerinen joǵary tur, sondaı-aq, búdjet kólemi de bul elderden bes ese artyq.

Usynǵan: Nazerke Labıhan