Búgin Astana qalasynda Elbasynyń qatysýymen Úkimettiń keeńıtilgen jınalysy bolyp ótti. Jınalysty ashqan prezıdent Nursultan Nazarbaev Úkimet múshelerin qatań synap, olardyń jumysyndaǵy olqylyqtardy aıtyp ótti, dep jazady Qamshy.kz aqparat agenttigi.
«Sender úkimet nemese mınıstr emes, qorqaqsyńdar...» - dep ashýlandy Elbasy.
Nursultan Nazarbaev óz sózinde premer-mınıstr Baqytjan Saǵyntaev pen Ulttyq bank tóraǵasy Danıar Aqyshevqa shúıligip, synnyń astyna aldy.
Elbasynyń aıtýynsha, premer-mınıstrdiń ústelinde Qazaqstan qandaı taýarlardy óndiredi jáne shet elden qandaı taýarlar keletini týraly jazylǵan qaǵaz únemi bolýy kerek.
-Eksport qurylymynda óńdelgen ónimderdiń úlesi nebári 30 paıyzdy ǵana quraıdy. Ómirzaq (Shúkeev – Aýyl sharýashylyǵy mınıstri – red.), bul saǵan tikeleı qatysty. Jumysty durystap atqar. 20 myń iri qara mal etin eksporttaý barysynda onyń 70 paıyzdan astamy tiri mal retinde eksporttalǵan. Eksporttyq ónimdilikti arttyramyz dep biz óz qundylyǵymyzdy joǵaltyp jatyrmyz. Áli kúnge deıin et, sút ónimderin, kókenister men jemisterdi qaıta óńdeý úshin ımporttap otyrmyz. Importtalǵan taýarlardyń barlyǵy da qymbat – kıim de, tamaq ta. Bizde joq taýarlar bolsa meıli, biraq ózimizdiń elde óndiriletin taýarlarmen biz halyqty qamtamasyz etýimiz kerek, - dep aıtyp ótti Elbasy.
Sonymen qatar, Nursultan Nazarbaev Syrtqy ister mınıstri Beıbit Atamqulovqa jańa tapsyrmalarǵa baılanysty ınvestısıalyq jáne eksporttyq qyzmetti kúsheıtýge tapsyrma berdi.
Elbasy Nursultan Nazarbaev búgingi keńeıtilgen jınalysta bankrottyq jaǵdaılardy jeńildetýdi tapsyrdy.
-Nebári sońǵy úsh jyldyń ishinde bankrot bolýǵa shaq qalǵan kásiporyndardyń sany eki esege ósken. Bankter aqsha bermeıdi deısińder. Eger eshkim qaryzyn qaıtarmaıtyn bolsa, aqshany kimge beredi?! Bank jumysyn qalypqa keltirmeıinshe, bank júıesinde daǵdarys bola beredi. Qazir qaryz aqshanyń kólemi 4 trıllıonnan asady. Qaryzǵa aqsha berýde onyń 93 paıyzy nesıe beretin kompanıalarǵa tıesili bolyp keledi, - dep aıtyp ótti Prezıdent.
«Nesıe alady da, keıin ony tóleıtin ýaqyt kelgende taǵy qosymsha bir nesıe alyp jabady. Osylaı jalǵasa berse, aqyry bir kúni jarylady. Biz qaıda bara jatyrmyz? Qoldaý kórsetý kerek, árıne, biraq onyń da paıdasy bolýy kerek, - dedi Nursultan Nazarbaev.
Usynǵan: Nazerke Labıhan
