Gaýhar Álimbekovanyń basyna úıirilgen qara bult búkil halyqty dúrliktirdi. Ánshige tańylǵan «alaıaq» degen qylmysty sottan ózge eshkim moıyndaǵan joq, halyq senbedi. Osy oraıda Qamshy.kz aqparat agenttigi kúni keshe «Gaýhar Álimbekovanyń taǵdyry: «Mýzart» saǵan aıtam... Qaırat pen Tóreǵalı, sen tyńda!» atty maqala jazǵan edi. Mundaǵy maqsat – Gaýhar Álimbekovany qoldaýǵa ánshilerdi shaqyrý. Al ánshilerdiń reaksıasy qandaı boldy? Jelige sholyp kórelik...

♦Gaýhar Álimbekovanyń taǵdyry: «Mýzart» saǵan aıtam... Tóreǵalı men Qaırat, sen tyńda!

«Mýzart» tobynyń ánshisi Sáken Maıǵazıev Álimbekovany qutqarý úshin aqsha jınaýǵa daıyn ekenin jazdy.

«Ańqyldap jarqyldap júrip, alaıaqtardyń arbaýyna aldandy ma eken... Aqkóńil ápkemniń, dosymnyń basyna úıirilgen qara bult bárimizdiń janymyzǵa batyp jatyr. Kesheden beri istiń anyq-qanyǵyn, aq-qarasyn ajyratýǵa barymyzdy salyp jatyrmyz. QR zańgerlerleri de saýatty túrde egjeı-tegjeıli zerttep jatqanyna kúmánimiz joq. Qarsy tarap keshirim berip, kelisimge kelse Gaýhardyń áriptesteri sol sommany jınap berýge bar kúshimizdi salamyz dep nıettendik. Talantty qyzymyzdy temir torǵa toǵytqanda ne utpaqpyz?! ALLA taǵala jábirlenýshi jaqtyń páterge qol jetkizip, qonys toıyn toılaýdy, jaýhardaı Gaýharymyzdyń ortamyzǵa oralýyn násip etkeı», - dep jazdy Sáken Maıǵazıev.

«Sotym-aı, sotym-aı» dep qazaq sotynan túńilgen Meırambek Besbaev ta áriptesin qoldady.

«Sotqa da, prokýrorǵa da suraq kóp... Bul iste úlken shıkilik baryn sezemin. Oń sheshimin tabatynyna senem! Gaýhap dosym, biz áli talaı bir sahnada án salamyz!» - dedi Meırambek.

Ánshini qoldaǵandardyń qatarynda Qaırat Nurtas emes, onyń anasy bar. Prodúser Gúlzıra Aıdarbekova kómekke muqtaj áriptesine kómektesýge daıyn. Ánshige aqsha jınap berýdiń amalyn da aıtyp ótipti.

«Dýbaıda júrsek te ınstagram arqyly jaısyz xabardy kózimiz shalyp, júregimiz alaı-dúleı bolyp otyrǵany. Óner adamdarynyń ishinen aqıqatyn jazǵan bireýi tabylar dep paraqshalaryn aqtaryp izdeı bastadyq. Nurlan Albannyń paraqshasynda kómek bereıik degen postty oqyp qýanyp ta qaldyq. Nurlan óziń bastaǵan ekensiń, bárimiz kómek qolyn sozaıyq. Negizi qatty aralastyǵymyz da joq, kórgen jerde sálemimiz túzý, biraq kórmegeli de 5-6 jyl bolyp qalypty. "Kóp túkirse kól bolady" degen, erteń qaı-qaısymyzdyń da aldymyzdan ne kútip turǵanyn bilmeımiz. Nurekeń shot ashyp paraqshasyna salsa, bárimiz qarap qalmaıyq. Óte aqkóńil, júregi keń, ashyq minezdi bolatyn, múmkin bir qatelik oryn alyp jatqan bolar. Qoldan kelse, kir izdep, min taqpaı, syrttaı jón-josyqsyz ár túrli áńgimeni jazbaı-aq qoıaıyq. Onsyz da xalyqtyń aldynda jer bolyp otyrǵanynda jerge tyqpaıyq, aǵaıyn! "Bále aıaq asty" degen, bir shıkilik bar sıaqty. Jaǵdaıy tómenderge, múgedekterge Alla razylyǵy úshin dep kórsetpeı berip te júrmiz, sol sebepti, nege muqtaj jandarǵa bermeske dep daýryqpaýlaryńyzdy suraımyn. Gaýhar elimizdiń aldynda júrgen, xalyqtyń qyzy bolǵandyqtan, qolymyzdan kelgeninshe qarap qalmaıyq. Bizdiń de eldiń namysy, ózge elge kúlki bolmaıyq. @nurlanalban Nureke, óner adamdarynyń da problemalary jetkilikti túsinemin, bergisi keletin, biraq bere almaıtyndary da qanshama. Múmkin, óner adamdaryn jınap jaqsylap bir konsert uıymdastyrarsyz. Sol kezde óner adamdarymen qatar satylǵan bıletterdiń aqshasy da kómek bolady, kómek qolyn sozý úshin bıletterdi alýshylar da az bolmaıdy. Bizdiń qazaq xalqy tas júrek emes, bári de oılanbastan alady bıletterdi. Oılanyp kórseńiz, osy ıdeıany.

Ánshi Búrkit te Álimbekova úshin aqsha jınaýǵa kómektespek...

«Mundaı xabar estip, denem túrshikti! Bul qalaı boldy sonda? Gaýhar Álimbekovamen qatty aralaspasaq ta, kórip turatyn jaıymyz bar edi. Ómirde neshe túrli jaǵdaı bolady ǵoı, múmkin bir qate ketken shyǵar? Kim bilsin? 6 jylǵa $40,000 úshin sottaldy degen jetkende ne oılarymdy da bilmeı qaldym! Qudaı-aý, mıllıon-mıllıondap urlap, sosyn keshirim surap, aqshalaryn qaıtaryp berip jatqandar da bar emes pe?! Nege sonsha qatal bolamyz? Menińshe, keshirimdilikpen qarasaq jón bolar edi. Qansha degenmen, adam ólgen joq. Adam ólgende 8-9 jyl beredi ǵoı, sonda qalaı bolǵany? 40-50 myń dollarmen adamnyń ómiri sáıkes kelip tur ma?! Uıat bolady ǵoı basqa elderden! Ózderiniń óner adamdaryn aıamaı sottap jatyr myna xalyq dese, uıat emes pe?
Áriptester, óner adamdary, bárimiz birigip birge qol ushyn sozaıyq! Kóp túkirse kól bolady deıdi ǵoı! Barynsha qarajat jınap kómek bereıik. Kómekteseıik!!! Ne bolsa da, qandaı jaǵdaı bolsa da, Allahtan qaıtsyn! Bul ómirde kim bilsin , aldymyzda ne kútip turǵanyn!» - dep sózin qorytyndylady Búrkit ánshi.

♦"Gaýhardaı asyl qyzdarymyzdy qorǵamasaq, advokattyǵyma syn bolar..."